O’zbеkiston rеspublikasi oliy va ўrta ta'lim vazirligi

To‘rtinchi toifali mehmonxonalarning yashash qismi uchinchi va to‘rtinchi toifali hamda umumiy yashash xonalaridan iborat
bo‘ladi. Bir va ikki o‘rinli xonalarning soni chegaralanmaydi.
Mehmonxona, dam olish muassasalari va sayyohlik (turizm)
binolarida umumiy hajmning 50 % idan ortig‘ini yashash xonalari
tashkil etadi. Yashash xonasining me’yoriy maydoni bir kishi uchun 9 m2, ikki
kishi uchun esa 12 m2 etib belgilangan. Ammo ShNQ 208. 02–07
ga ko‘ra, bu maydonlar mehmonxona komfortliligi darajasini belgilovchi toifa va xonalariga ko‘ra o‘zgarishi mumkin. Bu o‘zgarishlar to‘rtinchi toifali xonada 24 m2 ni tashkil etadi. Minorasimon ko‘p qavatli ko‘rinishda loyihalangan mehmonxonalar yotoqxonalarining rejaviy yechimi aksariyat hollarda
bo‘ylama kommunikatsiya uzellari (lift guruhlari)ning turar joy
qavati rejasining markazida o‘rnatilishi orqali amalga oshiriladi.
Bu holda xonalar binoning to‘liq tashqi tarafga joylashtiriladi



Umumiy tipdagi kurort, sayyohlik (turistik) va boshqa turdagi
mehmonxonalarning ovqatlanish xonalari guruhiga quyiladigan
me’yoriy talablar toifalikni inobatga olingan holda aniqlanadi.
Barcha mehmonxonalarda (IV toifadagidan tashqari) restoran,
kafe, bufetlarning bo‘lishi nazarda tutiladi. IV toifadagi mehmonxonalarda faqat kafe faoliyat ko‘rsatadi.