O’zbеkiston rеspublikasi oliy va ўrta ta'lim vazirligi

U mumiy tipdagi mehmonxonalar barcha fuqarolarning, jumladan, delegatsiyalarning, mehmonlarni, xizmat safaridagilarning,
sportchi-turistlarning va boshqalarning ehtiyojini qondirishi lozim.
Shuning uchun mehmonxonalar turli kategoriyalarga va turli xonalar tizimiga ega bo‘lishi mumkin.
Oromgohlar mehmonxonalari tabiatning tabiiy, chiroyli go‘-
shalarida, dengiz, daryo, tog‘lar, ko‘llar yoki o‘rmonzorlar yaqinida quriladi.
Turistik mehmonxonalar turist guruhlarini joylashtirish va
sayyohlar uchun xizmat ko‘rsatish uchun mo‘ljallanadi. Shu sababli bunday mehmonxonalar shaharlarda yoki turistlar sevib sayohat qiladigan joylarda quriladi.
Vaqtincha to‘xtab o‘tuvchi (tranzit) yulovchilar uchun mehmonxonalar u yoki bu transport vositasini kutayotgan yo‘lovchilarga hamda transport vositalariga xizmat ko‘rsatuvchi kishilar guruhlariga mo‘ljallanadi.
Avtomobil transportining ko‘payishi natijasida avtoturistlar
uchun mehmonxonalar (motellar)ning qurilishi rivojlanib bormoqda. Shahar markazida joylashgan mehmonxonalarga nisbatan
transport magistrallari yonida joylashgan motellar avtomobilchilar
uchun qulayroqdir. Motellar aksariyat hollarda kam qavatli binolar bo‘lib, ulardagi
xonalar bir-biridan ajratilgan va to‘g‘ridan to‘g‘ri avtomobillar
turar joyi yaqinida quriladi. Mehmonxonalar o‘zining komfortliligi, sig‘imi va texnik jihozlanganligi, shuningdek, taklif etiladigan xizmat ko‘rsatish turlariga qarab O‘zbekistonda va dunyo miqyosida 5 ta toifa (razryad)ga
bo‘linadi.
Toifani aniqlashdagi asosiy mezon mehmonxona xonasi bo‘lib,
uning sifati, o‘z navbatida, xonaning komfortlilik darajasiga
bog‘liq. Komfort esa xonaning jihozlanganlik darajasiga, yuzasiga, o‘rinlar soniga, mebelga, ta’mirlanish darajasi va boshqalarga
ko‘ra aniqlanadi.

Mehmonxona xonalari bir xonali va ko‘p xonali
(appartamentlar, luks) turlarga bo‘linadi.