|
KIRISH
Latviyaning «Люблю!» haftalik jurnalining may sonida «Sayohat» rukni tolaligicha O‘zbekistonga bag’ishlandi. Nina Dojdevaning «Nima uchun O‘zbekistonga borish kerak?» nomli maqolasida yurtimizga sayohat qilishning bir nechta sabablarini sanab o‘tadi.
Xo’sh, yurtimizga nega tashrif buyurishni muallif qanday izohlagan? Bunga muallif quyidagicha sabablar keltiradi:
«Bir mamlakatga sayohat qilish orqali boy tarixiy va madaniy merosni ko‘z oldingizda gavdalantirish hamda dunyoga mashhur Buyuk Ipak yo‘lidagi shaharlarning bir nechtasida bo‘lishni istasangiz, shu bilan birga, turli din vakillari uchun muqaddas sanalgan ziyoratgohlarni va yuzlab tarixiy obidalarini ziyorat qilish niyatida bo‘lsangiz, besh yulduzli mehmonxona yoki sahro qo‘ynida tikilgan o‘tovlarda qolib, ertaklardagidek sharqona bozorda istagan xaridni amalga oshirib, va nihoyat, 14 xildagi palovdan ta’bingizdagisini tanlash imkoniyatiga ega bo‘lmoqchi bo‘lsangiz unda O‘zbekistonga tashrif buyurish kerak».
Bu tavsiyalar bilan birga Nina Dojdeva Registon maydoni afsonalari, Hoja Doniyor maqbarasi tarixi va Mirzo Ulug’bek astronomiya maktabi haqidagi Yevropa olimlari e’tiroflarini aytib o‘tadi.
«Люблю!» jurnalining yo‘nalishidan kelib chiqib, muallif o‘zbekcha palovni tayyorlash retseptini ham latviyalik uy bekalari bilan o‘rtoqlashadi.
Latviyaning mashhur «Люблю!» oilaviy jurnali 19 yildan beri Riga shahrida nashr etiladi va Latviya bo‘ylab obunachilariga ega.
Yaponiyaning «ROTOBO» jurnali fevral sonida «Turizmni rivojlantirishda Markaziy Osiyo mamlakatlaridagi UNESCO madaniy merosi ob’yektlarining o‘rni: mintaqaning turizm markazi – O‘zbekiston misolida» nomli maqola chop etildi. Maqola muallifi Mizuki Chuman Yaponiyaning Rossiya va MDH mamlakatlari bilan savdo uyushmasi yetakchi ilmiy tadqiqotchisi sanaladi.
Ushbu maqolada so‘nggi yillarda Markaziy Osiyo davlatlarida turizmni rivojlantirish bo‘yicha tadbirlar shiddat bilan o‘tkazilayotgani hamda har bir mamlakat o‘ziga xorijlik sayyohlarni jalb qilish bo‘yicha boshlagan tadbirlar tahlil qilinadi.
O‘zbekiston hukumati yangi saylangan prezident tashabbusi bilan, sohaga e’tibor va sayyohlar oqimini oshirish uchun viza talabini bosqichma-bosqich dunyoning rivojlangan 27 mamlakati, shu jumladan, Yaponiya fuqarolari uchun bekor qilish rejasi tadqiqodchi tomonidan ijobiy baholangan.
M arkaziy Osiyo davlatlari qadim davrdan Yaponiya bilan Ipak Yo‘li bo‘ylab savdo va madaniy aloqalar olib borgan va hozirga kelib ham Yaponiya aholisi ushbu mintaqadagi tarixiy shaharlar va yodgorliklar haqida yaxshi ma’lumotga egalar.
Tadqiqodchi xulosasiga ko‘ra, Markaziy Osiyoda turizm sohasida yetakchi mavqeini mustahkamlash uchun mamlakat UNESCO e’tirofidagi yodgorlik ob’yektlari ko‘pligi, Ipak Yo‘li brendi orqali tanilgan shaharlari jozibasi, zamonaviy transport infratuzilma imkoniyatlari beradigan ustunliklardan oqilona foydalanishi zarur. Xususan, yapon sayyohlari uchun sayohatni rasmiylashtirish jarayonini soddalashtirish, mamlakatlar o‘rtasidagi charter parvozlarni tashkil etish, sayyohlar ehtiyojidan kelib chiqib sayohat marshrutlarini tuzish Kunchiqar mamlakatdan turistlar oqimiga ijobiy ta’sir qiladi.
Muallifning fikriga qo‘shimcha qilib shuni aytish mumkinki, O‘zbekiston Respublikasi Turizmni rivojlantirish davlat qo‘mitasi va ikki mamlakat xususiy turfirmalari hamkorlikda 2017 yil mobaynida Yaponiyadan to‘g‘ridan- to‘g‘ri Samarqand shahri aeroportiga 10 charter parvozlarini amalga oshirishga kirishdi. Aprel oyining o‘zida faqat shu 3 ta reys bilan 750 nafar yapon sayyohi yurtimizga tashrif buyurdi.
Mamlakatimizga tashrif buyurayotgan ko‘psonli mehmonlar e’tibori va e’tirofiga sababchi bir nechta omil mavjud. Shular qatorida, xalqimizga xos o‘zbekona mehmondo‘stlik bo‘lsa, zamonaviy mehmonxonalar va dam olish maskanlari, yuksak sifatli xizmat ko‘rsatish tizimining shakllanib borayotgani ham yana bir yetakchi omillar ekani sir emas.
So‘nggi yillarda amalga oshirilayotgan bunyodkorlik ishlari O‘zbekiston zamonaviy sayyohlik infratuzilmasi rivojlangan davlatlar qatorida o‘z o‘rni va mavqeiga ega bo‘lishiga sababchi bo‘lmoqda. Samarqand shaxrida “Malika” mexmonxonasidan tashqari xususiy mexmonxonalar talaygina bo’lib, ularning har biri o’zining mavqeiga ega.
Yurtimizning sayyohlik soxasi oxanrabosi sanalgan Samarqand shahrining o‘ziga nazar tashlasak, qisqa muddat davomida 3 ta yangi mehmonxona o‘z faoliyatini boshladi.
1. Samarqand sh. Daxbed va Shoxi Zinda ko‘chalari kesishmasida “Bek Samarkand” nomli mehmonxona o‘z faoliyatini boshladi. Mehmonxona barcha qulayliklarga ega, milliy va yevropacha uslubda qurilgan. Mehmonxona 3 qavatdan iborat bo‘lib, 31 ta nomer, shundan 10 ta 1 kishili, 11 ta 2 kishilik, 10 ta 3 kishilik, 40 kishilik konferens zal, 40 kishilik restoran, Fitnes zalga ega.
2. Shaharning Qudratov ko‘chasi 7-uyda joylashgan “Старый город” nomli mehmonxona o‘z faoliyatini boshladi. Mehmonxona milliy uslubda qurilgan bo‘lib, 2 qavatdan iborat. Unda 17 ta nomer, shundan 4 ta 1 kishili, 12 ta 2 kishilik, 1 ta 3 kishilik, 30 kishilik konferens zal, 40 kishilik restoran, barga ega.
3 . Panjakent ko‘chasi 17-uyda o‘z faoliyatini boshlagan “Karvon Samarqand” nomli yangi mehmonxona, arxitektura uslubi jihatidan milliy an’analarimizga suyangan. Mehmonxona 3 qavatdan iborat bo‘lib, 31 ta nomer, shundan 4 ta 1 kishili, 25 ta 2 kishilik, 2 ta 3 kishilik, 150 kishilik restoran, barga ega.
Yuqorida keltirilgan mexmonxonalar orasida “Malika” xususiy mexmonxonasining ham o’ziga xos afzalliklari ham mavjudki, BMI tushuntirish xatida aynan shu mexmonxona haqida batafsil to’xtab o’tilgan.
Do'stlaringiz bilan baham: | 
