O„zbekiston respublikasi oliy va o„rta

Eslatma:

Giperozid Davlat standart namunasi eritmasini tayyorlash:
Taxminan 0,05 g (aniq tortma) giperozid DSN (100—105⁰C da doimiy og‘irlikkacha quritilgan) 100 ml og‘zi mahkam berkitiladigan kolbaga solinib, 40 ml 95% li spirt qo‘shiladi va vertikal sovitgichga ulab, kristallar to‘liq erib ketguniga qadar suv hammomida qizdiriladi. Eritma sovitilganidan keyin 50 ml hajmli o‘lchov kolbasiga o‘tkaziladi, belgisigacha 95% li spirt bilan yetkaziladi va aralashtiriladi.
5% aluminiy xloridning spirtli eritmasini tayyorlash:
5 g aluminiy xlorid 100 ml li o‘lchov kolbasida 40 ml 95% li spirtda eritilib, belgisigacha 95% li spirt bilan yetkaziladi va aralashtiriladi.

Norsulfazol 0,25 g, Sulfadimizin 0,25 g tarkibli dori turini YQX usuli yordamida tahlil qilish

Aniqlash tartibi:

2 mg yaxshilab maydalangan dori turi 5 ml atsetonda eritilib, undan 2 tomchisi o‘lchamlari 15x20 sm bo‘lgan, silikagelning mahkamlangan qatlamini saqlagan plastinkaning start chizig‘iga kapillyar yordamida tomiziladi. Bir vaqtning o‘zida norsulfazol va sulfadimezinning standart eritmalari tayyorlanadi (100 mg modda 50 ml atsetonda eritiladi). Tayyorlangan standart eritmalar start chizig‘iga tomizilib, atsetonning uchib ketishi uchun 3-5 minut xona haroratida qoldiriladi. So‘ngra plastinka xloroform-metanol (9:1) aralashmasidan iborat bo‘lgan erituvchilar
sistemasi bilan to‘yintirilgan xromatografiya kamerasiga tushirilib, erituvchilar sistemasi front chizig‘iga yetgach, kameradan olinadi. Plastinkani xona haroratida quritib, xromatogrammadagi moddalarning o‘mini ko‘rish uchun dastlab 1 m xlorid kislotasi eritmasi, keyin 5% li natriy nitrit eritmasi purkalib, elektr qizdirgichda quritiladi va p-naftolning ishqoriy eritmasi purkaladi.
Dori shaklidan hosil bo‘lgan dog‘lar, xromatogrammadagi o‘rni, Rf qiymati va rangi bo‘yicha standart namunalardan hosil bo‘lgan dog‘lar bilan solishtiriladi (27-rasm).