O‟zbekiston respublikasi oliy va o‟rta

NAZORAT UCHUN SAVOLLAR:

1. 
   Texnika xavfsizligi asoslari deganda nimani tushunasiz?
   
2. 
   Xavfsizlikni ta‘minlash vositalariga nimalar kiradi?
   
3. 
   Blokirovka qurilmasi nima uchun va qaerda ishlatiladi?
   
4. 
   Tormoz qurilmasi vazifasi nimadan iborat?
   
5. 
   Saqlagich klapanlar ishilash prinsipi nimaga asoslangan?
   
6. 
   Xavfsizlikni ta‘minlovchi belgilar turlari necha xil bo‗ladi?
   
7. 
   Xavli doira deb nimaga aytiladi?
   
8. 
   Bosim ostida ishlaydigan uskunalardan foydalanishda xavfsizlik talablariga nimalar kiradi?
   

Mavzu: TEXNOLOGIK JARAYONLARDA ELEKTR XAVFSIZLIGI BO‟YICHA UMUMIY QOIDALAR

Reja:

1. 
   Elektr tokining inson organizmiga ta‘siri;
   
2. 
   Elektr tokidan jarohatlanishning asosiy sabablari va ularning oldini olishga qaratilgan chora- tadbirlar;
   
3. 
   Elektr qurilmalarida qo‗llaniladigan muhofaza vositalari;
   
4. 
   Elektr toki ta‘siriga tushgan kishiga birinchi yordam ko‗rsatish.
   

Tayanch iboralar: Jarohatlanish, seziluvchan tok, fibrilyasion holat, tananing qarshiligi, elektr zanjir, qadamiy kuchlanish, xonalar xavflilik darajasi, saqlagich, erga ulash, nolga ulash, kuchlanish, izolyasiya, statik tok, dielektrik, himoya vositalari.
Hozirgi paytda elektr toki xalq xo‘jaligining barcha sohalarida, kundalik turmushning barcha jabhalarida keng qo‘llanilmoqda.
To‘qimachilik korxonalarida elektr tokidan jarohatlanish juda ko‘p uchramasada, lekin barcha o‘lim bilan tugagan baxtsiz xodisalarning 50% elektr toki urishi oqibatida bo‘lganligi qayd etiladi. Bundan tashqari ko‘pincha elektr tokidan noto‘g‘ri foydalanish yong‘in va portlashga olib keladi. Yuqorida keltirilganlarning xammasi elektr tokidan saqlanish usullarini o‘rganish naqadar ahamiyatli ekanligidan dalolat beradi.
Xalq xo‗jaligining barcha tarmoqlaridagi rivojlanish darajasini elektr energiyasisiz tasavvur qilish qiyin. Lekin, elektr energiyasi inson mehnatini engillashtirib ish unumdorligini oshishiga olib kelish bilan bir qatorda, uning hayoti uchun xavfli ham hisoblanadi. Ishlab chiqarishda uchraydigan boshqa xavf manbalaridan elektr xavfi keskin farq qiladi. Chunki, ularni faqatgina maxsus jihozlar va asbob- uskunalar bilangina aniqlash mumkin.