O'zbekiston respublikasi oliy va o'rta

Didaktik tamoyillar: onglilik va faollik, tizimlilik, nazariya va amaliyot birligi, ta'lim-tarbiya birligi, ko'rsatmalilik.

Didaktika prinsiplari o'z navbatida o'qitish, ta'lim berish uslublarini va tashkiliy shakllarini ham belgilab beradi.
Ta'lim berish (didaktika)ning asosiy prinsiplari quyidagilar:

• 
  onglilik va faollik;
  
• 
  ilmiy va tizimlilik;
  
• 
  nazariya va amaliyot birligi;
  
• 
  ta'lim-tarbiya birligi;
  
• 
  ko'rsatmalilik;
  

Ta'limning onglilik va faollik prinsipi o'quvchilarning bilish faoliyatiga asos olingan qoida sifatida uchta muxim jixatini: o'quvchilar tomonidan o'quv materialining ongli ravishda tushunilishini, o'quv mashg'ulotlariga ongli munosabatda bo'lishni, bilish faoliyatining shakllanishini o'z ichiga oladi.
Ta'limning ilmiy va tizimlilik prinsipi bizni qurshab olgan olamni bilish jarayoni murakkab, ziddiyatli bo'lib, xar xil boskichlar, shakl va metod hamda vositalarini o'z ichiga oladi. Ilmiy bilish hodisadan mohiyatga, narsaning tashqi ta'siridan uning ichki tuzilishini tasvirlashga o'tishdan iboratdir. Agar o'quv materiali o'quvchini qonunlar, tushunchalar, formulalar va teoremalar olami bilan tanishtirsa , bunday bilimlar ilmiy bilimlar deb ataladi. Ular aqliy rivojlanish uchun etakchi axamiyatga egadir. Fakat ana shunday bilimlargina o'quv predmetining ilmiy mazmunini o'zlashtirib olishga, kelgusida esa fan asoslarini chuqurroq egallab, mehnatda faol ishtirok etishga imkon beradi.
Nazariyaning amaliyot bilan bog'liqlik prinsipi-o'quvchilar o'zlashtirgan bilimlari ularning bevosita hayot faoliyatida qo'llagan yoki dasturilamal bo'lib xizmat qilgandagina axamiyatli ekanligiga ishora kiladi. Amaliyotda qo'llanmagan bilimlar asossiz bo'lib, kiska vaqt davomida unutiladi.
Ta'lim va tarbiyaning birligi qoidasi. Yoshlarga ta'lim berish, tarbiyalash va ularning umumiy rivojlanishlarini bir butunlikda amalga oshirish zarur. Ta'lim tizimida ta'lim va tarbiyaning birligi qoidasi asosiy va etakchi qoidalardan biri hisoblanadi. Ta'lim jarayonida o'tilayotgan katta va kichik mavzularning mazmunidan kelib chiqadigan tarbiyaviy tomonlarini to'g'ri belgilash va uni ta'lim bilan birga, bir butunlikda amalga oshirishni ta'minlash muhim axamiyatga ega. Demak, bir butun ta'lim jarayoni ikki o'zaro bog'liqlik: hayotni bilish va unga bo'lgan munosabatni tarkib toptirish jarayoni bilan ajralib turadi.
Ta'limda ko'rsatmalilik prinsipi didaktik qoidalardan biri bo'lib, u o'qitish jarayonining sifatini ortiradi, o'quvchilarning bilim olishlarini osonlashtiradi. Ko'rsatmalilik prinsipi idrok etishni osonlashtirishi va nazariy bilimlarni hayot, amaliyot bilan bog'lash imkonini beradi. Bu qoida o'qitish jaryonida ko'rish eshitish, hid bilish, teri muskul-xarakat kabi sezgi organlarining bir yo'la ob'ekt ustida safarbar kilinishini talab etadi, shuningdek o'rganilayotgan hodisalarga qizikishni oshiradi, bilimlarni puxtarok egallashga yordam beradi.

3.