Oʻzbekiston respublikasi oliy va oʻrta

Maxsus qo’mita. Tashqilotlar foydalanishi mumkin bo’lgan yana bir boshqaruv turi bu maxsus qo’mitadir, bunda ishchilar bir necha bo’limlarga ta’sir
qilayotgan qisqa muddatli muammoni yechish uchun vaqtinchalik qo’mitalarga
birlashadilar.Bunday jamoalarning vaqtinchalik tuzilishi ularni turli funksiyali jamoalardan farqlantirib turuvchi asosiy xususiyatidir. Bunday jamoadagi ishchilar nafaqat jamoa oldiga qo’yilgan vazifani, balki o’zlarining
kundalik vazifasini ham bajarish imkoniyatiga ega bo’ladilar. Shunga qaramasdan, bunday ishchilar maxsus qo’mita ichida o’zlariga aloqasi bo’lmagan vazifalarni bajarishlariga to’g’ri keladi. Vazifalar bajarilganidan so’ng esa, maxsus qo’mitaning keragi bo’lmay qoladi va ishchilar o’zlarining kundalik vazifalarini bajarish uchun tarqalishadi. Davlat idoralaridan tortib universitetlargacha, ko’pchilik tashkilotlar maxsus qo’mitalardan foydalanishadi. Masalan, San-Frantsisko shahrida joylashgan Eichstaedt&Devereaux buxgalteriya firmasida ishchilarning maxsus qo’mitasi rekruting, mentoring va trening dasturlarini ishlab chiqishga yordam berdi.PepsiCo kompaniyasining sho’’basi Frito-Lay kompaniyasidagi resurs guruhi ishchilarini o’z ichiga olgan maxsus qo’mita kartoshka va tortilya chipslarini ishlab chiqarishga hissa qo’shishdi.
Amaliyot jamoasi. 2008-yil boshlarida, Afg’oniston va Iroq armiyasida hizmat qilayotgan amerika askarlari roketaga bog’langan granatalardan foydalanishda qiyinchiliklarga duch kelishayotgan edi.Bundan xavotirga tushgan komandir esa AQSh armiyasining onlayn forumiga savol qoldirdi. Bir necha kundan so’ng, bunday granatadan foydalanishda o’sha qiyinchiliklarni boshdan kechirgan bir askar uni qanday qilib to’g’ri ishlatish mumkinligini yozib qoldirdi. Muammo echildi! Ichki hamkorlikning bunday turlari amaliyot jamoalari deb ataladi. Bunda qaysidir sohada tajribasi va ko’nikmalari bo’lgan mutaxassislar guruhi aynan mana shu sohada qiyinchiliklarga duch kelayotgan ishchilar bilan o’zlarining fikrlarini bo’lishadilar.Masalan, Xerox kompaniyasidagi tadqiqotchi texniklar o’zlarining tajribalarini bo’lishish va mashinalarni tuzatishdagi muammolarni yechishda yordam berish uchun o’zlarining boshdan kechirganlarini yozib o’tishadi. Pfizer farmatsevtik firmasida, amaliyot jamoalari
kompaniyaning formal strukturasiga qiritilgan. Ishchilar tarmog’i deb nomlangan bunday jamoalar boshqalarga xavfsizlik kabi nozik masalalarda o’zlarining tajribasi bilan bo’lishib boradilar. Pfizer kompaniyasining bunday tajribasi hozirda yanada ommalashmoqda. Ammo bunday amaliyot jamoalari qanchalik samarali? O’tkazilgan tadqiqotlarning birida shu narsa aniqlandiki, bunday amaliyot jamoalari
ishchilarning samaradorligi bilim va tajriba almashish orqali yanada kuchayar ekan.
A-jadvalda mana shunday jamoalarning samarali ishlashi uchun ba’zi maslahatlar keltirib o’tilgan.²¹