O’zbekiston respublikasi oliy va o’rta maxus ta’lim vazirligi

dasturxonchi – amir huzurida uyushtiriladigan ziyofatlar uchun mas’ul amaldor.
devonbegi - davlatning moliya-xazina ishlarini boshqargan. Soliqlar undirishni ustidan nazoratni ham devonbegi olib borgan. Devonbegi Ark etagida yashagan.
dodxoh – fuqarolarning arz va shikoyatlarini tinglovchi, hal etuvchi amaldor
inoq – bu lavozimda ishlagan amaldorning vazifasi amir farmoyishlarini beklardan boshqa tabaqaga etkazishdan iborat bo’lgan.
ko’kaldosh – butun amirlik hududida do’stona yoki dushmanlik munosabatida bo’luvchilar haqida ma’lumot to’plagan.
mingboshi – harbiy va ma’muriy unvon. Qo’qon xonligida xondan keyingi mansab.
mirshab – tungi shahar soqchilari boshlig’i vazifasini bajargan.
mirob – Buxoro amirligi va Qo’qon xonligida suv taqsimoti va sug’orish tizimi ustidan nazorat qiluvchi shaxs.
miroxo’r – amir otxonasining boshlig’i bo’lgan.
muftiy – qazikalon murakkab deb hisoblagan turli diniy-huquqiy masalalar bo’yicha shariatga asoslanib fatvo chiqargan. Bu fatvo uning yoki bir necha muftiyning muhri bilan tasdiqlangach, qoziga berilar edi. Qozi bu fatvoga asoslangan holda hukm chiqargan.
mushrif – lavozimida ishlagan amaldorlar xonga inom etgan buyumlarni hamda harbiy anjomlarni ro’yxatga olgan. Soliq tushumlarini yozib borgan.
muhtasib (rais ham deyilgan) – musulmonlar tarafidan shariat qonunlarining bajarilishini kuzatgan, masjidlarga borib nomoz o’qishga keluvchilar ro’yxatini, bozorlardagi tosh-tarozining to’g’riligini tekshirgan. Ayni paytda u ichkilikbozlik, sudxo’rlikka ham qarshi kurashgan.
no’yon – bir tuman (10 ming) qo’shin qo’mondoni. Qadimgi turk va mo’g’ul qo’shinlarida shahzoda va sultonlar no’yon deb atalgan. XIV- XVI asrlarda eng nufuzli amirlargina no’yon bo’lgan.
oftobachi – O’rta Osiyo xonliklarida hukmdor saroyida hukmdorning qo’liga suv quyuvchi shaxs bo’lib, yuqori mavqega ega bo’lgan lavozimlardan biri.
parvonachi – XVII-XVIII asrlarda Buxoro xonligida mavjud bo’lgan mansab; vazir muovini, farmon ijro qiluvchi. Biror bir shaxs biror lavozimga tayinlanganida, bu haqdagi yorliqni o’sha shaxsga va boshqalarga etkazuvchi amaldor.