O’zbekiston respublikasi oliy va o’rta maxus ta’lim vazirligi

V. Kurs ishini rasmiylashtirish.

Kurs ishini to’g’ri va chiroyli rasmiylashtirishning ham ahamiyati katta. Jumladan talabaning kelajakda bitiruv va ilmiy tadqiqot ishlariga qo’yiladigan talablarni bilishiga va unga moslashishiga yordam beradi.

Odatda kurs ishini rasmiylashtirishda quyidagi talablarga rioya etish tavsiya etiladi :

• 
  hajmi – 20 – 25 bet (kompyuterda terilgan varianti).
  
• 
  Qatorlar orasidagi interval – 1,5 – 2 mm
  
• 
  Yozilgan qog’oz varaq hoshiyasi – chapdan – 30 mm
  
  • 
    o’ngdan – 10 mm
    
  • 
    tepadan – 20 mm
    
  • 
    pastdan – 20 mm
    
• 
  harflar balandligi – 4 mm
  
• 
  qatordagi harflar soni – ____
  

Barcha betlar raqamlanadi. Titul varag’idan keyingi betga mavzu nomi va ish rejasi yoziladi.
Foydalanilgan ilmiy adabiyot va normativ aktlarga beriladigan ilova (snoska) ushbu varaq (bet)ning past qismida to’liq ko’rsatiladi.
Foydalanilgan adabiyotlar ro’yxatida nafaqat kurs ishi matnida ko’rsatilgan adabiyotlar, balki barcha foydalanilgan adabiyotlar (manbalar) ro’yxatini ko’rsatish lozimdir.
Kurs ishi to’liq tugallanganidan so’ng u muallif imzosi bilan imzolanib, uni qayd qilish va taqrizga berish uchun kafedraga topshiriladi.
VI. Kurs ishini himoya qilish.
Kurs ishi himoyasi kafedra tomonidan belgilangan muddatda kamida 2 ta o’qituvchi tarkibidagi (ilmiy rahbari bilan) komissiya tomonidan amalga oshiriladi. Talaba kurs ishi himoyasi oldidan uning mazmuni bilan yana bir bor tanishib hamda e’tibor berilishi zarur bo’lgan holatlarni fikran qaytarib chiqqani ma’qul.
Fikrlarni quyidagi ketma – ketlikda bayon qilish tavsiya etiladi : qisqacha ish mazmunini ochish, foydalanilgan manbalar va ba’zi mualliflarning fikrlari, keltirilgan fikr – takliflar va xulosalar.
Taqrizchi tomonidan bildirilgan kamchiliklarga hamda himoya davomida o’qituvchilar bergan savollarga javob beriladi.
Kurs ishini yozmagan va himoya etmagan talabalar akadem qarzdor hisoblanadi.