O`zbеkiston rеspublikasi oliy va o`rta maxsus

ИЛМИЙ ТАДҚИҚОТ МЕТОДОЛОГИЯСИ

ФАНИНИНГ

ЎҚУВ ДАСТУРИ
БАРЧА ТАЪЛИМ ЙЎНАЛИШЛАРИ УЧУН


ТОШКЕНТ 2012

Фаннинг ўқув дастури Олий ва ўрта махсус, касб – ҳунар таълими ўқув – методик бирлашмалари фаолиятини мувофиқлаштирувчи кенгашнинг 2012 йил “6” мартдаги даги “1” –сон мажлис баёни билан маъқулланган.

Фаннинг ўкув дастури Мирзо Улуғбек номидаги Ўзбекистон Миллий университетида ишлаб чиқилди.

Тузувчи:
Шермухамедова Н. А.	Ўзбекистон Миллий университети “Фалсафа ва фан методологияси” кафедраси мудири, фалсафа фанлари доктори, профессор
Тақризчилар:
Э.Хошимова	И.Мўминов номидаги Фалсафа ва хуқуқи институти “Онтология ва билиш назарияси” бўлими профессори, фалсафа фанлари доктори
Д.Расилов	Тошкент Автомобил йўллари институти “Фалсафа ва маънавият асослари” кафедраси, мудири, фалсафа фанлари номзоди, доцент

Фаннинг ўқув дастури Мирзо Улуғбек номидаги Ўзбекистон Миллий унверситети илмий–методик кенгашида тавсия қилинган (2011 йил «25» октябрдаги 2-сонли мажлис баённомаси).

КИРИШ

Мустақилликнинг тараққиёт йўли мамлакатимизда фан ривожи учун кенг имкониятлар яратди. Фаннинг барча табиий, ижтимоий, техника, фундаментал, амалий каби соҳаларини замон талабларига мос моддий техник ресурслар билан таъминлаш давлат сиёсати даражасига кўтарилди. Фанни ривожлантирувчи интеллектуал салоҳият эгалари олимларнинг, ижтимоий фаоллиги янада ошди. Шу боис, ёшларнинг ижодий фаолиятини қўллаб қувватлаш, уларнинг илмий изланишлари учун шароит яратиш ва ижод маҳсулларини раg’батлантириш учун магистратура босқичида ”Илмий тадқиқот методологияси” фанини ўқитиш жорий қилинди.

Зеро, ҳар қандай илмий тадқиқот муайян мақсадга йўналтирилиши билан бир қаторда, унинг ўзига хос услубий таъминоти бўлиши, малакали мутахассис эгалланган билимларидан қаерда, қачон ва қай даражада фойдаланиши, илмий тадқиқот натижалари инсон манфаатларига хизмат қилиши, каби муҳим омиллар мавжуд бўлиб, улар ушбу фаннинг моҳиятини чуқур ўрганиш жараёнида эгалланади. Шу боис, ўқув дастури гуманитар факультетлар магистратура мутахассисликлари учун илмий изланишнинг технологияси, ҳар қандай илмий изланишнинг асосий омили билимни эгаллаш ва ундан фойдаланиш маҳоратини ўрганишга қаратилган.