O’zbеkiston Rеspublikasi Oliy va o`rta maxsus

Tovushning balandligi — tovush chastotasiga bog'liq bo'lib, eshituvchi tomonidan aniqlanadigan tovushning sifatidir. Chastota ortishi bilan tovushning balandligi ham ortaboradi.
Tovushning tembri esa energiyaning ma’lum chastotalar orasida taqsimlanishini xarakterlovchi kattalikdir. Masalan, bir xil notada ashula aytuvchi xonandalar turlicha energiya sarflaganlari uchun turlicha tembrga ega bo'ladilar.
Tovush to'lqinlar uchun Dopler effekti. Bizga hayotiy tajribamizdan ma'lumki, poyezd perronga yaqinlashib kelayotganida parovoz signali qattiqroqdek, poyezd perrondan uzoqlashayotganda esa parovoz signali sekinroqdek tuyuladi. Boshqacha aytganda, tebranishlar manbayining qabul qiluvchi (quloqqa) nisbaan harakati qabul qilinayotgan tebranishlar chastotasining o'zgarishiga olib keladi. Buhodisaga Dopier effekti deyiladi To'lqinlar manbayi va qabul qiluvchining bir-biriga nisbatan harakatlanishi natijasida qabul qilinayotgan to'lqinlar chastotasining о'zgarishiga Dopier effekti deyiladi.
Ultratovushlarning qo'llanilishi. Chastotasi v>20000 Hz bo'lgan elastik to'lqinlarga ultratovushlar deyiladi. Uning chastotasi katta, to'lqin uzunligi kichik va shuning uchun qat'iy yo'nalgan nur sifatida hosil qilish mumkin.
Texnikada ultratovush turli usullarda hosil qilinib ularni ikki guruhga ajratish mumkin: 1)mexanik—havo va suyuqlik hushtaklari, sirenalar yordamida; 2)elektromexanik—elektr tebranishlarni mexanik tebranishlarga aylantirish natijasida.
Lekin ultratovushlarning qo'llanilish sohasi juda katta. Agar ultratovush tekshiriladigan detaldan o'tkazilsa, sochilgan nur va ultratovush soyasiga qarab undagi defektlar aniqlanishi mumkin. Shu prinsipga asoslanib, ultratovush defektoskopiyasi sohasi vujudga kelgan. Ultratovush, shuningdek, modda almashuvlarini yaxshilashda, moddalarning fizik xossalarini o'rganishda, jismlarga mexanik ishlov berishda, meditsina va boshqa sohalarda ishlatiladi.
TARQATMA SAVOLLAR
1. Tovush to'lqinlari deb qanday to'lqinlarga aytiladi?
2. Tovush chastotalari qanday oraliqda bo'ladi?
3. Chastotasi 16 Hz dan kichik tovushlarga qanday tovushlar deyiladi?
4.Chastotasi 20000 Hz dan katta tovushlarga qanday tovushlar deyiladi?
5. Tovush to'lqinlari bo'shliqda tarqaladimi?
6. Tovush to'lqinlari bo'ylanma to'lqinlarmi yoki ko'ndalang?
7 Tovushning tezligi nimaga teng?