O‘zbekiston respublikasi oliy va o‘rta maxsus ta’limi vazirligi farg‘ona davlat universiteti huzuridagi pedagog kadrlarini qayta tayyorlash va ularning malakasini oshirish mintaqaviy markazi

O‘quvchilarga quyidagi topshiriqlar beriladi.
1. Iqtisodiyotni siyosatdan holi bo‘lishi
2. Davlat – bosh islohotchi.
3. Qonun ustuvorligi
4. Kuchli ijtimoiy siyosat yuritish
5. Bozor iqtisodiyotiga bosqichma-bosqich o‘tish.
Guruxlar taqdimoti: (10 minut)
Bu bosqichda guruhlar ishi taqdimoti muxokama etiladi. Har bir guruh sardori o‘zlariga berilgan masalani misollar yordamida tushuntirishga harakat qiladi. Boshqa guruhdagi o‘quvchilar muhokama etilayotgan masala bo‘yicha bildirilayotgan yangi fikrlarni yozib boradilar.
1-guruh taqdimoti Iqtisodiyot siyosatdan holi bo‘lishi, ya’ni iqtisodiy islohotlar hech qachon siyosat ortida qolmasligi kerak. U biror bir mafkuraga bo‘ysundirilmasligi lozim. Ham ichki, ham tashqi iqtisodiy munosabatlarni mafkuradan xoli qilish zarur Bu sohalarning har biri o‘zining qonuniyati va rivojlanish yo‘llariga ega. Shu bilan birga, ular bir-biriga o‘zaro ta’sir o‘tkazishi, bir-birining rivoji uchun shart-sharoit yaratishi mumkin. Lekin ular hech qachon bir-birining o‘rnini bosolmaydi. Iqtisodiyot siyosat va mafkuraning o‘rnini bosolmagani kabi, ular ham iqtisodiyotning o‘rnini bosolmaydi.
2-guruh taqdimoti Davlat – bosh islohotchi. U islohotlarning ustuvor yo‘nalishini belgilab berishi, yangilash va o‘zgarishlar siyosatini ishlab chiqishi va uni izchillik bilan amalga oshirishi lozim. Bozor munosabatlariga o‘tish va yangi jamiyat qurish jarayonida davlatning bosh islohotchi sifatida faoliyat yuritishini nazarda tutadi. Buning ma’nosi shundan iboratki, jamiyatda amalga oshirilayotgan o‘zgarishlar izchil davom etishi, turli manfaatga ega bo‘lgan odamlar, ijtimoiy guruh va toifalarning faoliyati uchun bir xil bo‘lgan qonuniy kafolatlar yaratishda davlat tashabbuskorlik ko‘rsatadi. Shu bilan birga, u ana shu qonunlarning bajarilishini nazorat qiladi hamda ularning ijrosini ham ta’minlaydi.
3-guruh taqdimoti Jamiyat hayotining barcha sohalarida qonunning ustuvorligi, demokratik yo‘l bilan qabul qilingan Konstitutsiya va qonunlarni hech istesnosiz hamma hurmat qilishi va ularga og‘ishmay rioya etishi lozim. Jamiyatda har bir odamning ijtimoiy guruh yoki toifaning o‘z maqsad-manfaati bor. Qonun ana shu manfaatlarning yuzaga chiqishi uchun hammaga teng imkoniyat yaratib beradi. Qonun oldidagi ana shunday tenglik adolatga erishishning muhim bir shartidir. Qonun ustuvorligi ayni shu qonunning ayrim guruh, toifa va alohida shaxslar manfaatidan yuqori turishini anglatadi. Chunki qonun faqat toifa, guruh yoki alohida shaxslar manfaatini emas, butun jamiyat manfaatlarini, xalqning aksariyat ko‘pchilik qismining xohish-irodasini ifoda etadi.