O`zbekiston respublikasi oliy va o`rta maxsus ta`lim vazirligi zahiriddin muhammad bobur nomidagi andijon davlat universiteti axborot texnologiyalari va kompyuter injineringi fakulteti

2. Amaliyotni tashkil qilish va unga rahbarlik qilish.

2.1. Amaliyotni tashkil qilish va o`tkazish uchun javobgarlik ta’lim muassasasi rektori zimmasiga yuklanadi.

2.2. Ikki tomonlama bitimlar asosida amaliyotni xorijiy davlatlar korxonalari, muassasalari va tashkilotlarida o`tish mumkin.

2.3. Amaliyotni tashkil qilish va unga rahbarlik bo`yicha oliy ta’lim muassasasining vazifalari quyidagilardan iborat:

• 
  Ta’lim yo`nalishi (mutaxassislik) bo`yicha talabalarni o`quv jadvalida belgilangan davrda Ishlab chiqarish amaliyotni o`tkazish uchun yuborish;
  
• 
  Ishlab chiqarish amaliyot o`tkazilishi muddatini, talaba amaliyotchilar bajaradigan ishlar mazmunini oldindan kelishish va loyiha-tadqiqot tashkilotlari bilan shartnoma tuzish;
  
• 
  Talabalarni loyiha-tadqiqot tashkilotlarida amalda bo`lgan ichki nazorat, mexnat muxofazasi, yong`in xavfsizligi, tibbiy-gigienik talablar, texnika xavfsizligi qoidalari, loyiha-tadqiqot tashkilotlaridagi tegishli kasb va malakali ishchilar uchun belgilangan boshqa me`yoriy qoidalarga o`rgatish va unga amal qilishini nazorat qilish;
  
• 
  Talaba tomonidan jixozlarni ishga tushirish bo`yicha belgilangan talablarga amal qilishni, o`z-o`zini ximoya etish uchun beriladigai vositalardan to`g`ri foydalanishni, shuningdek, ularni xom-ashyo, materiallar, energiya va boshqa manbalardan tejamkorlik bilan foydalanishga o`rgatish;
  
• 
  Talabalarni jixozlar bilan to`liq ta’minlangan ish o`rni, kasb bo`yicha o`quv dasturi talablari asosida ish bajarish uchun materiallar, asbob uskunalar va boshqa zarur moslamalar bilan ta’minlanish, loyiha-mehnat xavfsizligining me’yor va qoidalariga rioya etish choralarini ko`rish;
  
• 
  Amaliyot o`qituvchilari orqali talabalarning amaliyotiga uslubiy
  rahbarlik qilish va o`quv ishlirini tashkil etish.
  

2.4. Amaliyotni tashkil qilish va unga rahbarlik bo`yicha dekanlar va kafedra mudirlarining vazifalari quyidagilardan iborat:

• 
  Har yili, 1-dekabrgacha bo`lgan muddatda, navbatdagi kalendar yili uchun amaliyot ob`ektlari bilan shartnomalar tuzish;
  
• 
  Amaliyot boshlanishdan ikki oy oldin talabalar amaliyotini o`tkazish dasturi va kalendar jadvalini amaliyot ob`ektlari bilan kelishib olish;
  
• 
  Amaliyot rahbarini tajribali professor, dotsent va o`qituvchilardan tayinlash;
  
• 
  Fan, texnika va madaniyatning ilg`or yutuqlari, ishlab chiqarish iqtisodiyoti, uni ilmiy tashkil etish, boshqarish va shunga o`xshash masalalar bo`yicha amaliyot ob`ektlari ma`muriyati bilan birgalikda mutaxassislarning ma`ruzalarini tashkil etish;
  
• 
  Talabalar va amaliyot ob’ektlarini amaliyot dasturlari bilan ta’minlash;
  
• 
  Ob’ektlardagi talabalar amaliyotining tashkil etish tartibi va o`tkazilishini hamda amaliyot muddati va mazmuniga rioya qilinishini nazorat etish.
  

2.5. Oliy ta’lim muassasasi tomonidan tayinlagan amaliyot rahbari vazifalari quyidagilardan iborat:

• 
  Talabalar kelishiga zaruriy tayyorgarlik ishlarini tashkil etish uchun ob`ektlarga amaliyot boshlanishidan oldin borish;
  
• 
  Talabalarning amaliyotga borishidan oldin tashkiliy tadbirlar (amaliyot o`tkazish tartiblari, xavfsizlik texnikasi haqida ko`rsatmalar berish va h k.)ni o`tkazilishini ta`minlash;
  
• 
  Talabalarning kafedra topshiriqlarida ko`zda tutilgan loyiha ishlariga rahbarlik qilish;
  
• 
  Amaliyot ob’ektlari talabalarning mehnat va maishiy xizmat sharoitlari me’yordagidek ta’minlanganligini nazorat qilish;
  
• 
  Talabalarning ichki mehnat tartib-qoidalariga rioya qilishlarini nazorat qilish;
  
• 
  Amaliyot yakunlari bo`yicha talabalar ilmiy anjumanlari va amaliyot natijalarini baholovchi komissiya ishida ishtirok etish;
  
• 
  Talabalarning amaliyot bo`yicha hisobotini ko`rib chiqish, ularning ishi haqida tavsifnoma berish;
  
• 
  Talabalar amaliyot o`tganligi, ularning amaliy tayyorgarligidagi kamchiliklar ko`rsatilgan amaliyotni takomillashtirish haqida takliflar kiritilgan yozma hisobotni kafedra mudiriga taqdim etish;
  
• 
  Barcha ishlarni amaliyot ob’ekti tomonidan biriktirilgan rahbar bilan hamkorlikda olib borish.
  

2.6. Talabalar amaliyotining umumiy rahbarligi amaliyot ob’ekti rahbarining buyrug`i bilan mas’ul xodimlarning biriga yuklatiladi. Tsex, bo`lim, laboratoriya kabilarda talabalar amaliyotining bevosita rahbarligi amaliyot ob’ekti boshlig`ining buyrug`i bilan ko`rsatilgan tarkibiy bo`limning yuqori malakali mutaxassisi zimmasiga yuklanadi.

2.7. Shartnoma majburiyatlariga muvofiq amaliyot ob’ektlari:

• 
  Talabalar amaliyotini tegishli dastur va mazkur Nizomga muvofiq tashkil qiladi va o`tkazadi;
  
• 
  Dasturga muvofiq talabalarni amaliyot samaradorligini ta’minlovchi ish joylari bilan ta`minlaydi;
  
  • 
    Ta’lim yo`nalishlariga mos ish joylari mavjud bo`lgan taqdirda amaliyotchilarni tegishli ish haqi bilan lavozimlarga qabul qiladi va amaliyotni o`tishda oliy ta’lim muassasasi bilan kelishilgan oy-kunlik ish jadvaliga amal qiladi;
    
• 
  Talabalarga mavjud adabiyotlar, texnik va boshqa hujjatlardan foydalanish imkoniyatlarini yaratadi;
  
• 
  Kurs ishi va Ishlab chiqarish bitiruv ishlari uchun mavzular tanlashda yordam ko`rsatadi;
  
• 
  Hayot faoliyati xavfsizligi bo`yicha majburiy ko`rsatmalar beradi, zarur bo`lgan hollarda talabalarni mehnatning xavfsiz usullarini o`rgatadi va bu haqda hujjatlar rasmiylashtiriladi;
  
• 
  Amaliyotchi talabalarning mazkur amaliyot ob’ektida joriy qilingan ichki mehnat tartib-qoidalariga rioya qilishlarini ta`minlaydi va nazorat qiladi;
  
• 
  Yaqin atrofda joylashgan boshqa turdosh korxona, muassasa, tashkilotlarga birgalikda tashriflar o`tkazadi;
  
• 
  Talabalarning amaliyot o`tish vaqtida mazkur amaliyot ob`ektining tegishli ishchilari uchun joriy qilingan shaxsiy himoya vositalari va issiq ovqat, poyabzal, himoya kiyimlari bilan ta`minlaydi;
  
• 
  Shartnoma asosida talabalar yashashi uchun qulay sharoitga ega yotoqxonalar bilan ta`minlaydi. Zarur bo`lganda ularni joylashtirish uchun turar joylarni ijaraga oladi;
  
• 
  Zarur bo`lgan hollarda, ichki mehnat intizomini buzgan amaliyotchi talabalarga amaliyot ob’ekti rahbarining buyrug`i bilan jazo choralari ko`radi va bu haqda oliy ta`lim muassasasi rektoriga xabar qiladi;
  
• 
  Amaliyot o`tayotgan talabalar baxtsiz hodisaga uchragan holda, to`la javobgarlikni o`z zimmasiga oladi;
  
  • 
    Talaba amaliyotchilarning mutaxasissligiga mos ish o`rni, ishlab
    chiqarish vazifalari, zarur xujjatlar, texnik xizmat bilan ta`min etish, oliy ta`lim muassasalarida egallayotgan mutaxassisliklariga mos bo`lmagan ishlarga qo`ymaydi;
    
  • 
    Mexnatning xavfsiz va tibbiy-gigiena me`yorlariga mos keladigan sharoit yaratadi, belgilangan me`hyor asosida ajratadi;
    
• 
  Har bir talaba amaliyotchiga amaliyot yakuni bo`yicha ishlab chiqarish tavsifnomasini taqdim etadi;
  
• 
  Ishlab chiqarish amaliyot davrida bajargan ishlari uchun mexnatning ishbay xaqi ko`rinishida belgilangan narxlar asosida maosh to`laydi.
  

2.8. Talabalarning mutaxasissligi bo`yicha Ishlab chiqarish amaliyotini o`tkazishlari uchun o`quv dasturi talablariga javob beradigan ish joyi va ishlar bilan ta`minlash vazifalari bajarilmasa, shuningdek, amaliyot o`tish davrida talabalar tez-tez va ko`pincha bo`sh turib qolsalar, ularga mexnatning xavfsiz sharoitlari yaratilmasa hamda malaka talab etilmaydigan ikkinchi darajali ishlarga jalb etilsalar, ta`lim muassasasi ularni loyiha–tadqiqot tashkilotlaridan qaytarib olib ketiladi.

Loyiha-tadqiqot tashkilotlari tomonidan talabalarning Ishlab chiqarish amaliyotini o`tkazishlari uchun zarur sharoit yaratilmagan taqdirda, oliy ta’lim muassasasi rahbariyati va amaliyot o`qituvchilari talabalarni ish bajarishlariga ruxsat etmasliklari, bu xaqda shu kunning o`zida tashkilot, loyiha-tadqiqot tashkilot rahbariyatini yozma ravishda xabardor etishlari lozim.

2.9. Loyixa-tadqiqot tashkilotlari barcha talaba amaliyotchilarni
mutaxassisliklar bo`yicha o`quv dasturi, mehnat muhofazasi, ishlab chiqarish
gigienasi, me’yor va qoidalari talablariga javob beradigan ish va ish joyi bilan ta`min eta olmasa, shuningdek, ishlab chiqarish amaliyoti o`tish davrida talabalar bo`sh turib qolsalar, oliy ta’lim muassasasiga talabalarning Ishlab chiqarish amaliyotini boshqa loyiha-tadqiqot tashkilotlarida o`tkazish xuquqi beriladi.

Bunday hollarda, bir xaftadan kam bo`lmagan muddat ichida loyiha-tadqiqot tashkilotlari rahbariyati bu xaqda ogohlantiriladi va boshqa loyiha-tadqiqot tashkilotlari bilan ishlab chiqarish amaliyotlarini o`tkazishlari yuzasidai shartnoma tuziladi.

2.10. Talaba amaliyot o`tishda:

• 
  Amaliyot dasturida ko`zda tutilgan topshiriqlarni to`liq bajarishi;
  
• 
  Amaliyot ob`ektining ichki mehnat tartib qoidalariga bo`ysunishi;
  
• 
  Mehnat muhofazasi, xavfsizlik texnikasi va ishlab chiqarish sanitariyasi qoidalarini o`rganish va qatiy rioya qilishi;
  
• 
  Bajarilgan ish va uning natijalari uchun shu korxona ishchilari qatori mas`ul bo`lishi, kundalik daftar yuritishi, chizmalar, tasvirlar va boshqalarni bajarishi, amaliyot rahbariga barcha topshiriqlar bajarilgani haqida yozma ravishda hisobot berishi va amaliyot bo`yicha hisobotini himoya qilishi shart.