O’zbekiston respublikasi oliy va o’rta maxsus ta'lim vazirligi

Pedagogik kengash mavzusi maktabgacha ta’lim muassasasi yillik ish rejasida aniqlanadi, kerak bo’lganda unga qo’shimchalar va aniqliklar kiritilishi mumkin.

Kun tartibidagi asosiy masala pedagoglarning ish natijalari hisoblanadi:

Bolalar taraqqiyoti darajasi, ularning salomatligi; pedagog va ota- onalarning hamkorlikda olib boradigan ishlari- shular jumlasidandir.

Pedagogik kengash tashkillashtirilish shartli ravishda quyidagicha bo’lish mumkin.

Tashkillashtirilishiga ko’ra

a) an’anaviy pedagogik kengash:

bu pedagogik kengash aniq kun tartibiga ega bo’lib, hamma masalalarni reglamentga rioya qilgan holda hal qilinadi, ular bo’yicha qarorlar chiqariladi.

b) pedagoglarni faollashtiruvchi alohida usullardan foydalangan holda o’tkaziladigan noan’anaviy pedagogik kengash.

Bunda pedagogik kengash o’tkazishda rais hamma ishtirokchilarga turli usullarni taklif etishi mumkin., masalan, vaziyatga kura vaziyatli masalani yechishi yoki “o’yin”tarzida o’tishi mumkin.

Ishchanlik o’yinlari, konferensiya tarzida o’tish mumkin. Bunday pedagogik kengashni tayyorlashda alohida ssenariylar, ishtirokchilarni guruhlarga bo’lish va rollarni aniqlab o’tkazish mumkin. Biroq shuni ta’kidlash lozimki, turli ko’rinishdagi pedagogik kengashning yakunida jamoa ishini takomillashtirish bo’yicha qarorlar qabul qilinishi shart.