O’zbekiston respublikasi oliy va o`rta maxsus ta`lim vazirligi

Boshlang‘ich ta’limda qo‘yiladigan talablar majmuasi:

1. 
   Tabiiy, ijtimoiy voqea va hodisalar muloqotida kasb-hunar turlari haqida tushunchalarga ega bo‘lish.
   
2. 
   Ijtimoiy voqelikda kasbga intilish, qiziqish hislarini uyg‘otish, kasb-hunar turlari haqida tasavvurga ega bo‘lish.
   
3. 
   Mehnat jarayonida muloqot odobiga amal qilish.
   
4. 
   Mehnatda do‘stona munosabat va o‘zaro yordam tushunchalariga ega bo‘lish.
   
5. 
   Moddiy-ma’naviy ehtiyojlarning maqsadli yo‘naltirilganligi, mehnat orqali farovon turmush tarzini yuzaga keltirish haqidagi tushunchalarning paydo bo‘lishi.
   
6. 
   Kasb turlari va ularning hayotda zarurligini anglashda kino lavhalar, qo‘g‘irchoq teatri, mehnat faxriylari bilan uchrashuv orqali namoyon etish.
   
7. 
   Amaliy ishlarda tadbirkorlik fazilatlarini “Kim oshdi savdosi” o‘yinlari orqali shakllantirish.
   
8. 
   Yozish, chizish, to‘rt amalda (qo‘shish, ayirish, ko‘paytirish, bo‘lish) hisoblash va mustaqil bilim olish.
   
9. 
   Boshlang‘ich sinf qo‘l mehnati (qog‘oz, karton bilan ishlash, gazlama, tabiiy materiallar bilan ishlash, konstruksiyalash va modellashtirish, qishloq xo‘jalik mehnati) ish turlaridan olingan bilimlarni amalda qo‘llay olish tushunchalariga ega bo‘lishi.
   
10. 
    Qog‘oz va kartondan buklash, qirqish, yelimlash ishlarini bajarish, har xil turdagi o‘yinchoqlarning maketlarini bosqichma-bosqich yasash, konstruktorlik va modellashda mustaqil ijod qilish fantaziyasini boyitish. Applikasiya ishlarida diqqat va tasavvurni faollashtirish, ranglarni sezish qobiliyatini o‘stirish.
    
11. 
    O‘ziga va o‘z faoliyatiga baho berish tushunchalariga ega bo‘lishi.
    
12. 
    Jamoa, mustaqil o‘qish, teleradio, informasion xabarlar to‘g‘risida tushunchalarga ega bo‘lishi.
    
13. 
    Internet tarmoqlaridan foydalanish to‘g‘risida tasavvur va tushunchaga ega bo‘lishi.
    
14. 
    Qo‘l mehnati, ishchi moslamalaridan to‘g‘ri foydalanish, materiallarni o‘lchash, belgilash, qismlarni yelimlash, tikish, o‘rash, detallarni yig‘ish, montaj qilish, bezash to‘g‘risida tasavvur va tushunchalarga ega bo‘lish.