O’zbekiston respublikasi oliy va o`rta maxsus ta`lim vazirligi

Oliy ta’lim muassasasida. Talabalar ijtimoiy munosabatlarni tahlil va sintez qila olishlari lozim. Ularda keng bilim doirasiga, keng dunyoqarashga egalik, bashorat qila olishlik, o‘zi va o‘zgalarning faoliyatini baholay olishlik, boshqalar uchun mas’uliyatni his qilish, erudisiya, voqea va hodisalarni tahlil qila olishlik, tanlagan kasbini sevish, unga ijodiy yondashish, o‘z ustida tinmay ishlash sifatlari rivojlantiriladi.
Uzluksiz ta’lim jarayonida kasbiy mahoratni shakllantirish tizimiga qo‘yiladigan talablar quyidagilardan iborat:
Maktabgacha ta’limda qo‘yiladigan talablar majmuasi:

1. 
   O‘z-o‘ziga xizmat qilish (yoshligidan boshlab o‘z kiyimidagi nuqsonlarni bartaraf etish orqali sabr-qanoatga o‘rganadi, kiyimlarini tuzatib qo‘yish,) to‘g‘risida tasavvur va tushunchaga ega bo‘lish.
   
2. 
   Kattalar mehnati haqida tasavvurga ega bo‘lish.
   
3. 
   Kattalar mehnatiga taqlid qilish odatini hosil qilish.
   
4. 
   Navbatchilik mehnati (tabiat bag‘rida mehnat qilish, qushlarga ovqat berish, gullarga suv quyish, hayvonlarni boqish, dasturxon bezash va changlarni artish) orqali kattalar mehnatini qadrlash to‘g‘risida tasavvurga ega bo‘lish.
   
5. 
   Jamoada ishlash (boshqaruvchanlik, intizomlilik, tashabbuskorlik, ijrochilik, jamoadagi har bir ishtirokchining fikrini inobatga olish va hurmat qilish) to‘g‘risida tasavvurga ega bo‘lish.
   
6. 
   Talabchanlik (boshlagan ishini oxiriga yetkazish) to‘g‘risida tasavvurga ega bo‘lish.
   
7. 
   O‘yin orqali kasb egalari (“quruvchi o‘yini” orqali loyihalovchi, muhandis, kranchi, shofyor, g‘isht teruvchi va boshqalar) to‘g‘risida tasavvurga ega bo‘lish.
   
8. 
   Qog‘ozdan, tabiyot ashyolaridan, tashlandiq buyumlardan (tuxum po‘chog‘i, qiyqim matolardan, turli katta-kichik qutichalardan) buyum yasash orqali tejamkorlik hissining hosil bo‘lishi.
   
9. 
   Mehnatga muhabbat to‘g‘risida tasavvurga ega bo‘lish.
   
10. 
    Yaratuvchanlik (penoplastlardan kemalar yasash, sayohatlarda har xil tabiiy qurigan o‘simliklarni to‘plab applikasiya tayyorlash) orqali tabiat to‘g‘risida tasavvurlar hosil bo‘lishi.
    
11. 
    Mas’uliyat hissi to‘g‘risida tasavvurga ega bo‘lishi.