O`zbekiston respublikasi oliy va o’rta maxsus ta’lim vazirligi

36.Mavzu: Maktabgacha ta’lim tashkilotlari katta guruhlarda qurish yasash.
Reja:
1. Katta guruhda qurish-yasashning turlari.
2. Tayyor qurilish materiallaridan qurish-yasash.
3.Bolalarni qog’ozdan qurish-yasashga o’rgatish.
4. Katta guruh uchun qurish yasash mashg’ulot loyihasi tuzish.
Katta guruh uchun qurish- yasash mashg’uloti.
Mashg’ulotning mavzusi: “Men yashayotgan uy” mavzusida qurish- yasash.
Mashg’ulotning maqsadi:

1. 
   Ta’limiy ahamiyati: Bolalarga uy qurilishi haqida tushuntirish, qurilish uchun zarur bo’lgan jihozlar bilan tanishtirish, quruvchi kasbi haqida ma’lumot berish, qurilish materiallaridan uy qurishni o’rgatish.
   
2. 
   Tarbiyaviy ahamiyati: Bolalarning mashg’ulotga bo’lgan qiziqishlarini oshirish, kattalar mehnatiga bo’lgan qiziqishlarini tarbiyalash, tayyor qurilish materillaridan uy qurishda batartiblik, ketma-ketlikka odatlantirish,o’rtoqlariga xalaqit bermaslikka, o’z bajargan ishini so’zlab berishga odatlantirish.
   

Kerakli jihozlar:
Hamma bolalarga yetarli har xil uylar rasmi, “Konstruktor” to’plami.
Mashg’ulotning borishi:
Bolalar bugun biz sizlar bilan uy mavzusida suhbat quramiz. Bolalar, hamma menga o’z uylari haqida gapirib bersin.Hamma bolalar o’z uylarini necha xona ekanligini aytib beradilar. Ba’zi bolalar uylari uzoqligi, ba’zilari yaqinligini bolalarga so’zlab beradilar.Keyin tarbiyachi bolalar bilan savol javob o’tkazadi.
Tarbiyachi: Bolalar, uy qurish uchun nimalar kerak?
Bolalar: G’isht, taxta, loy.
Tarbiyachi: Loy nimadan tayyorlanadi?
Bolalar: Tuproqdan.
Tarbiyachi: Uyning tepasi nimadan qilinadi?
Bolalar: Shifrdan.
Tarbiyachi: Uylarni kim quradi?
Bolalar: Quruvchilar.
Tarbiyachi: Uyni qurib, tomi yopilgach, nima qilinadi?
Bolalar: Suvoq qilinadi, eshik, romlar o’rnatiladi.
Tarbiyachi shu tariqa bolalar bilan suhbatlashib bo’lgach, o’zi Konstruktor to’plamidan uy quradi. Uyning har bir bosqichini bolalarga tushuntirib turadi. Bolalardan chaqirib, yordam berishlarini so’raydi. Tarbiyachi bolalarning stollari ustiga qurilish materiallari to’plamlarini qo’yadi va uy qurishga taklif qiladi. Bolalar “Men yashayotgan uy” mavzusida quradilar. Tarbiyachi bolalarning atrofida aylanib yurib, noto’g’ri qurayotgan bolalarning xatolarini to’g’rilaydi. Ularga yordam beradi.
Bolalar endi men sizlarga topishmoqlar aytaman, sizlar topasizlar.
Kelsangiz ham
Ketsangiz ham
Har zamonda qo’l berishni
Yo’l berishni
Qilmas kanda. (Eshik).

Uyingda doim soqchi

Ochmasdan kirib boqchi. (Qulf).
Tarbiyachi: Juda topag’onsizlar-da . Bular nima uchun kerak?
Bolalar: Uy uchun.
Tarbiyachi: Barakalla bolalar, bugungi mashg’ulotda hammalaring yaxshi qatnashdingiz. Hammalaring uchun rahmat.

Savol va topshiriqlar:

1.Amaliyot jarayonida katta guruhda qurish-yasash faoliyatini qurilish konstruksiyalash markazida kuzatish.
2.Katta guruh uchun dastur asosida qurish- yasash faoliyati loyihasi yozish.
3.Dastur mavzulari asosida qog’ozdan qurish yasash namunalari yasash.