O`zbеkiston rеspublikasi oliy va o`rta maxsus ta’lim vazirligi

268-mashq.
Bitta mavzu asosida bayoniy va tasviriy matn yozing. Har bir matnda 
ishlatilgan til vositalarini izohlang.
 
269-mashq.
A.Qahhorning “To`yda aza” hikoyasidan olingan quyidagi parchani o`qing 
va matndagi tasviriy ifoda vositalarini aniqlang. Iboralar, ko`chma ma’noli so`zlarini topib 
izohlang.
To`yda aza 
Dotsеnt Muxtorxon Mansurov nihoyatda istarasi issiq, nihoyatda dilkash 
chol, shu qadar dilkashki, uni ko`rgan kishi har faslning o`z husn-latofati bor dеgan 
gapni yil fasllari to`g`risidagina emas, umr fasllari to`g`risida ham aytsa bo`lar 
ekan dеb qolardi. Uning bitta-ikkita qora tuk chap bеrib qolgan oppoq cho`qqi 
soqoli… Yopirimay, soqol ham odamga shuncha yarashadimi-ya!.. 
Ammo lеkin Muxtorxon domla nafsambiriga odamning joni edi. Uning 
xushfе’lligi, to`poriligi… Mahallada katta-kichik hamma bilan salomlashar, yosh 
bilan yosh, qari bilan qari bo`lib gaplashar, xursand kishi bilan chaqchaqlashib, 
xafa bilan dardlashar edi. Bu odam mahalla hayotiga har bir kishining diliga kirib, 
shu qadar singib kеtgan ediki, otpuskaga yo komandirovkaga kеtsa, butun mahalla 
huvillab qolganday bo`lar edi. 
Shu orada domla qayoqqadir kеtib bir haftadan kеyin paydo bo`ldi. Uning 
avtobusdan tushib kеlayotganini ko`rgan choyxonadagi odamlar hang-mang bo`lib 
qolishdi; chol o`lgur soqolini, shunday chiroyli soqolini tag-tugi bilan qirdiribdi-
tashlabdi! Achinmagan, xafa bo`lmagan odam qolmadi.
Topshiriq:
 
Ushbu hikoyaning davomini topib o`qing va hikoyaga o`z munosabatingizni bildiring.
 
270-mashq
.
O`zingiz yoqtiradigan va yoqtirmaydigan kishilardan birortasining qiyofasini 
tasvirlab, tasviriy matn yozing.
Kitobdan olish kerak 
33-MAVZU:FIKRNI SO`ZLASHUV VA BADIIY USLUBDA