O’zbekiston respublikasi oliy va o`rta maxsus ta`lim vazirligi

МАЪРУЗА 10


МАВЗУ: Халқ хўжалиги ва саноатда кенг фойдаланиладиган табиий полимерлар вакиллари.

РЕЖА:

1. Целлюлоза ва унинг хоссалари.
2. Целлюлозали полимерларнинг тўқимачилик ва енгил саноатда
ишлатилиши.
3. Табиий ипак таркиби, хоссалари ва ишлатилиши.
4. Жун ва тери таркиби, хоссалари ва ишлатилиши.

ФОЙДАЛАНИЛГАН АДАБИЁТЛАР:

1. М.Аскаров, О.Ёриев, Н.Ёдгоров "Полимерлар физикаси ва химияси" Тошкент, ЎҚитувчи, 1993, 313-330 бетлар

2. А.А. Геллер, В.Э.Геллер "Тола ҳосил қилувчи полимерларнинг физикаси-химиясидан қўлланма", Тошкент, ЎҚитувчи1983, 120-147 бетлар
3. Г.П. Андрианова, Д.А.Куциди, И.СШестакова, А.А.Косьянова "Химия и физика высокомолекулярных соединений в производстве искусственной кожи, кожи и меха", М. Легпромбытиздат, 1987, 464 стр. 277-344, 374-381 бетлар


1. Целлюлоза ва унинг хоссалари.

Табиий полимерлар асосан 3 та катта гуруҳларга синфланади.

1.Ўсимликлар таркибидаги табиий полимерлар

2. Ҳайвонлар таркибидаги табиий полимерлар
3. Минерал табиий полимерлар
Тўқимачилик ва енгил саноат учун энг кўп қўлланиладиган табиий полимерлар, бу ўсимлик ва ҳайвонот табиий полимерлари бўлиб улар табиий ҳолатда тола шаклида ишлатилади. Табиий полимерларнинг бир қисми қайта ишланиб сунъий толалар олинади. Сунъий толалар ҳам тўқимачилик ва енгил санаотда кенг миқёсда қўлланилади. Табиий полимерларнинг муҳим вакиллари ўсимликлар таркибидагидан целлюлоза ва ҳайвонлар таркибидагидан оксилардир. Бу полимерлар намуналари хоссаларини қисқача кўриб чиқамиз.


Целлюлоза

Целлюлоза - тола ҳосил қилувчи энг муҳим полимер, тўқимачилик материалларининг 60% дан кўпроғи целлюлозадан тайёрланади.

Табиатда энг кўп тарқалган табиий полимерлар бўлиб, у барча ўсимликлар ҳужайраларининг асосий қисмини ташкил этади.
Ўсимликлар оғирлигининг 50-60% целлюлозадан иборат. Жумладан пахта чигити толасининг 95-98%, каноп толасининг (жут, рами) 60-65%, ёғоч танаси ва ғўзапоя танасининг 40-55%, ўсимлик япроқларининг таркибида 10-15 % целлюлоза бор.
Целлюлозанинг элементар звеноси С₆Н₁₀О₅ булиб унинг полимери
[C₆H₁₀O₅]_n тариқасида ифодаланади. Кўп адабиётларда целлюлоза функционал гуруҳлари алоҳида ажратиб кўрсатилади ва унинг формуласи:

[C₆H₇O₂(OH)₃]_n шаклида ёзилади.

Олдинги маърузаларга таъкидланганидек крахмалнинг формуласи шу тариқа ёзилиб улар макромолекула формалари билан фарқланадилар. Целлюлоза макромолекуласи чизиқсимон шаклда бўлиб крахмалнинг макромолекуласи тармоқланган бўлади. Целлюлоза ва крахмални тўла гидролизлаш натижасида [C₆H₁₀O₅]_n+H₂O -----> C₆H₁₂O₆ глюкоза олинади.

Целлюлозани тўла ёндирганда

[C₆H₁₀O₅]_n+O₂ ------> H₂O + CO₂ Сув ва корбонат ангидрид ҳосил бўлади.