O‟zbekiston respublikasi oliy va o‟rta maxsus ta'lim vazirligi

 
 

---

18-Mavzu: MASOFAVIY TA‟LIM 
 
Reja: 
 
1. Masofaviy ta'lim va uning kelajagi 
2.Masofaviy ta'limda dars turlarini amalga oshirilishi 
3. O‘quv telekommunikatsion loyihaning zaruriy xususiyatlari 
4. Kompyuterli telekommunikatsiyalar - MTning kelajakdagi texnologik asosi 
 
Tayanch iboralar: Texnologiyalilik, ijtimoiy teng huquqlilik, baynalminallik; 
 
1. Masofaviy ta'lim va uning kelajagi 
 
Rivojlangan  davlatlar  amaliyotida  masofaviy  ta'lim  (MT)  turli  xil  modellar,  metodlar  va 
texnologiyalarni o‘z ichiga olib, unda pedagog va o‘quvchi ma'lum masofa bilan chegaralangan 
bo‘lib, turli joylarda (klasslar; shaharlar va hattoki mamlakatlar) orasida olib boriladi. Bu holda 
talaba va pedagog orasidagi o‘zaro aloqa turli xil vositalar yordamida amalga oshiriladi. 
- odatdagi pochta va aloqa yordamida uzatiladigan pechatli va yozma materiallar; 
- telefon tarmoqlari; 
- avdio va video yozmalar, o‘quv radiosi va televideniesi; 
- interaktiv dasturli o‘qitish vositalari; 
- kompyuterli o‘rgatuvchi dasturlar; 
- lokal va global kompyuter tarmoqlari; 
Tabiiyki,  u  yoki  bu  o‘zaro  aloqaning  o‘ziga  xos  xususiyatlari  pedagog  bilan  tinglovchi 
orasidagi mavjud holatlar o‘qitish metodikasi va taktikasi hamda strategiyasi bilan ajralib turadi. 
Hozirgi  vaqtda  MT  ning  pedagogik  va  tashkiliy  asoslari  telekommunikatsion  servislar: 
elektron pochta, mavzuga bog‘liq jo‘natmalar, elektron jurnallar, USENT konferentsiyalar, ICQ, 
veb-konferentsiyalar,  e'lon  doskalari  va  boshqalar.  Hozirgi  paytda  turli  xil  servislar  orasida  MT 
ning eng samaralisi bo‘lib, elektron pochta hisoblanadi. 
Masofaviy  darslarning  ko‘rinishi  bir  tomondan  pedagogik  jarayonning  xususiyatlari  bilan 
aniqlansa,  ikkinchi  tomondan,  o‘rgatuvchi  markazning  –  axborot  va  telekommunikatsion 
vositalarning imkoniyatlariga bog‘liq. 
Ko‘plab  mamlakatlarda  masofadan  o‘qitishda  turli  xil  darsni  tashkil  qilish  usullaridan  va 
talabalar  kontigentining  aniq  maqsad  va  talablaridan  kelib  chiqqan  holda  zamonaviy 
telekommunikatsion  texnologiyalardan  foydalaniladi.  Masofadan  o‘qitishning  birinchi 
navbatdagisi  sirtdan  o‘quvchi  talabalar  va  malakasini  oshirish  zarur  bo‘lgan  texnik  xodimlar 
uchun amalga oshirilishi bugungi kundagi eng dolzarb muammodan iborat. 
Masofadan  o‘qitishni  amalga  oshirishda  birinchi  asosiy  va  zaruriy  muammolardan  biri 
uzatiladigan  darsning  har  tomonlama  tarixiy,  ilmiy,  amaliy  muammoli  va  nihoyat  etarlicha 
ko‘rgazmali hamda u yoki bu hodisa, qonun yoki texnologik jarayonga bog‘liq bo‘lgan va uning 
mazmunini to‘ldiruvchi aniq va tushunarli ilovalar, ko‘rgazmalar bilan to‘ldirilgan bo‘lishi shart. 
Ikkinchidan,  uzatiladigan  ma'lumotning  ilmiy  ahamiyatli  qismlarini  etarli  darajada 
soddadan  murakkabga  qarab  tushuntirish  metodikasidan  to‘la  foydalanilgan  holda  amalga 
oshirish zarur. 
Uchinchidan,  uzatiladigan  kursning  dasturiy  ta'minoti  shu  kursning  ilmiy  va  amaliy 
ahamiyatlarini  va  ishlatilish  sohalarini  har  tomonlama  yaxshi  biladigan  ko‘p  yillik  pedagogik 
tajribaga ega bo‘lgan mutaxassis tomonidan ishlab chiqilgan bo‘lyashi kerak. 
To‟rtinchidan, uzatiladigan kursning stsenariysi shu kurs yoki unga yaqin kurslar bo‘yicha 
katta  pedagogik  mahoratga  ega  bo‘lgan  muallim-dotsent  yoki  professor  tomonidan  yozilishi 
shart. Bunga sabab katta pedagogik mahorat egasi o‘zining uzoq yillik tajribasi asosida talabaga 
ko‘rinmaydigan va savol-javoblarni eshita olmagan talabaga tushunarli va uning bilim darajasiga 
mos  hamda  talaba  uchun  zarur  bo‘lgan  ma'lumotlarni  soddaroq  holda  keltirish  maqsadga 

---

muvofiq. Bundan tashqari, bu ma'ruzaning axamiyatini ochib beruvchi va talabaning esida yaxshi 
saqlanib qoluvchi misollar bilan boyitilgan bo‘lishi zarur. Bir so‘z bilan aytganda, stsenariyning 
eng ilg‘or texnologiya asosida katta pedagogik mahorat egasi tomonidan tayyorlanishi maqsadga 
muvofiqdir.