O’zbekiston respublikasi oliy va o’rta maxsus ta’lim vazirligi urganch davlat universiteti jismoniy madaniyat yo‘nalishi sirtqi bo‘lim

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
URGANCH DAVLAT UNIVERSITETI
JISMONIY MADANIYAT YO‘NALISHI SIRTQI BO‘LIM
207 guruh talabasi
Matyaqubov Farxodbekning
Gimnastika va uni o‘qitish metodikasi fanidan



Mavzu: Tayanib sakrashlar oyoqlarni bukib sakrashlar mashqlari

Topshirdi: Matyaqubov F

Qabul qildi: __________


Urganch-2022 y
REJA:

1. 
   Kirish
   
2. 
   Tayanib sakrashlar
   
3. 
   Ko‘prikka sakrash
   
4. 
   Qo‘lda itarilish Bajarish texnikasi
   
5. 
   Tayanib tebranishdan qo‘llarni bukish va yozish
   
6. 
   Oyoqlarni ochib o‘tirishdan oldinga o‘mbaloq oshib oyoqlarni ochib o‘tirish
   
7. 
   Yoysimon holatda sakrab tushish.
   
8. 
   Xulosa
   
9. 
   Adabiyotlar
   

KIRISH
O‘zbekiston o‘z mustaqilligiga erishgach barcha sohalar kabi jismoniy tarbiya va sport ham tamomila yangicha maqom yo‘nalishida shakllanib, yuksak cho‘qqi sari qanot yozmoqda. Darhaqiqat, O‘zbekiston Respublikasi Prezidenti Sh.M.Mirziyoevning tashabbusi hamda davlatimiz rahnamoligida jismoniy tarbiya va sportga doimiy katta e’tibor qaratilib kelinmoqda. Jumladan, 2017 yil 3 iyun, Jismoniy tarbiya va ommaviy sportni yanada rivojlantirish chora-tadbirlari to‘g‘risida”gi PQ-3031-son, 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5368-sonli farmon va qarorlarida yurtimiz aholisini sog‘ligini mustahkamlash jismoniy tayyorgarligini oshirish, sog‘lom turmush tarzini shakllantirishga oid masalalarga e’tibor qaratilgan. Ta’kidlash joizki, jismoniy tarbiya va sport turlarini rivojlantirish bilan bir qatorda, «katta» sport mavqeini ko‘tarishga ham ustuvor ahamiyat qaratilmoqda. Yildan yilga Respublikamizda xalqaro va jahon miqyosidagi nufuzli musobaqalarni o‘tkazish an’anaviy tadbirlar tarkibidan joy olmoqda. O‘zbek sportchilari Osiyo, Jahon va Olimpiya musobaqalarida yuksak natijalarga erishib, yurtimiz shuhratini jahon hamjamiyati oldida tarannum etib kelmoqda. Shunday sport turlaridan biri bu gimnastikadir. Albatta gimnastika sport turi o‘zining murakkab harakatlari va jozibadorligi bilan boshqa sport turlaridan ajralib turadi. Shuningdek gimnastika mashg‘ulotlarining shug‘ullanuvchilarga nisbatan o‘ziga xos talablari mavjud bo‘lib, ularga maxsus ta’sir qilish kuchiga ega. Gimnastik mashqlar pedagogning nutqi, musiqa va mashg‘ulotlar o‘tkazishning sharoitlari bilan uyg‘unlikda insonga shaxs sifatida va biluv-amaliy faoliyat yurituvchi subyekt sifatida har tomonlama katta ta’sir qilish potensialiga ega.