O‘zbekiston respublikasi oliy va o‘rta maxsus ta’lim vazirligi toshkent kimyo-texnologiya instituti «tasdiqlayman»

Ilg‘or tajriba maktablari-ilg‘or pedagogik tajribalarni va ishlab chiqarish tajribalarni joriy qilish hamda kasb-hunar kollejlari xodimlarining pedagogik maxoratini oshirishning eng muhim shaklidir.
Ilg‘or tajriba maktabining eng asosiy maqsadi-kasb-xunar kollejlari xodimlariga o‘z faoliyatlarida ta’lim tarbiyaviy ishlarning hozirgi zamon talablariga mos bo‘lgan darajada va natijalarga erishishga yordam berishdir..
Seminarlar-jadval bo‘yicha kamida oyda bir marta o‘tkaziladi. Seminarga barcha muhandis-pedagog va o‘qituvchilar qatnashishlari kerak. Seminarlar mazmuniga ko‘ra xar xil bulishi mumkin:2-soatlik seminar,1-kunlik seminar ,3- kunlik seminar va hokazo.
Konsul’tatsiyalar- shaxsiy va guruxli bulishi mumkin. SHaxsiy konsul’tatsiyalar muhandis-pedagog va o‘qituvchilarning mustaqil ishlash soatlarida muntazam o‘tkaziladi. Kasb-xunar kollej rahbarlari ,tajribali muhandis-pedagog va o‘qituvchilar konsul’tant bo‘lishlari mumkin.
Guruxli konsul’tatsiyalar ma’lum bir mavzular bo‘yicha vaqti vaqti bilan tashkil etiladi. Konsul’tatsiya o‘tkazish uchun korxonalarning mutaxassislari, ishlab chiqarish ilg‘orlari, ilmiy xodimlar, malakali metodistlar taklif qilinadi.
Ochiq darslarni metodik kengash rejalashtiradi va tashkil etadi. Ochiq dars o‘tkazadigan o‘qituvchiga tashkiliy va metodik yordam ko‘rsatish zarur.
Ochiq darsdan maqsad ish yuzasidan tajriba almashish, dars berishning ilg‘or metodlarini yoyish, ta’lim berish metodika-siiidagi kamchiliklarni bataraf etib, uni tuzatishga yordam berish. Ochiq dars o‘tishdan avval kengaytirilgan reja tuzib, unda darsdan ko‘zda tutilgan o‘quv tarbiyaviy ishlar maqsadi, uni amalga oshirish bosqichlari ko‘rsatiladi. Bunday dars rejasi metodik kengash tomonidan tasdiqlanib, barcha o‘qituvchilarga tarqatiladi.