O’zbekiston respublikasi oliy va o’rta maxsus ta’lim vazirligi toshkent davlat agrar universiteti

Maqsad: Ishlab chiqarish amaliyotida xo`jalik yurituvchi subyekt dastlabki va yig`ma hisob hujjatlarini hamda boshqa ma’lumotlarni o`rganish, shuningdek, ixtisoslik hamda umumkasbiy fanlardan ma’ruza va amaliy mashg`ulotlarda egallagan nazariy bilimlar bilan bog`lash va mustahkamlash
Ishlab chiqarish amaliyoti obyekti: "SAID – AKBAR GARANT” XK

1. 
   XO`JALIK YURITUVCHI SUBYEKTNING TASHKILIY TUZILMASI VA XO`JALIK YURITISH SHAKLI BILAN TANISHISH
   

Men Toshkent Davlat Agrar Universiteti, Agrologistika va Biznes fakulteti, “Agrosanoatda buxgalteriya hisobi” yo`nalishi 3bosqich 97 – guruh talabasi RustambekovIsmoilbekOtabek o`g`li «SAID - AKBAR GARANT» xususiy korxonasida ishlab chiqarish amaliyotini o`tadim.
«SAID - AKBAR GARANT» xususiy korxonasiSergeli tumanida joylashgan bo`lib, Yuridik shaxslarni ro`yxatdan o`tkazish Yagona Darcha Markazi (Davlat xizmatlari agentligi) Uchtepa tumanidan 007758-01-sonli reestr va 007761-sonli guvohnomaga asosan xususiy korxona sifatida ro`yxatdan o`tgan bo`lib, g`isht – bloklar ishlab chiqarish faoliyati bilan shug`illanadi.
Korxona o'z mijozlariga quyidagi xizmatlarni taklif etadi:
-G`isht bloklarini tayyorlab berish
- G`isht bloklarni yetkazib berish.
Tashkilotda 5 nafar xodim ishlaydi, shu jumladan: 3 ta ishchi, 2ta xizmatchi. «SAID - AKBAR GARANT» xususiy korxonasida ishlaydigan barcha ishchi xodimlar tajribali, yuqori malakali mutaxassislar bo`lib, yaxshi obro'-e'tiborga ega va ko'p yillik amaliy tajribaga ega.
Bugungi kunda Adliya vazirligi tomonidan ro'yxatga olingan, xususiy korxona ko'rinishidagi «SAID - AKBAR GARANT» xususiy korxonasining ustav fondi shakllantirilgan. Tashkilot ustav fondi – 30 000 000 (O`ttiz million) so`mni tashkil etadi.
«SAID - AKBAR GARANT» xususiy korxonasining kasbiy javobgarligi "KAFOLAT" Sug'urta korxonasi tomonidan 10 mln. so'm miqdorida sug'urta qilingan.
Xaridorning iltimosiga binoan ushbu korxonaxaridorlarga yuqori sifatli g`isht – bloklarni tayyorlab va yetkazib beradi. Qolaversa, uzoq yillardan beri hamkorlik qilgan tashkilotlar uchun bir qancha chegirmalar va past narxlarda mahsulotlar sotiladi.
Ishlab chiqarish faoliyati yilda 9 oy davom etib, qish oylarida ishlab chiqarish to`xtaydi. Ammo zaxiradagi g`isht – bloklari uzluksiz sotuvda bo`laveradi.
Korxona o`z faoliyatini 5 yildan beri yuritib kelishiga qaramay, bir qancha yirik kompaniyalar bilan hamkorlikni yo`lga qo`ygan.