O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti q. X. Abdurahmonov, sh. R. Xolmo‘minov

Mehnat intizomi 
– mehnat jarayonida barcha amal qilishi lozim 
bo‘lgan me’yoriy hujjatlar bilan belgilab qo‘yilgan umumiy tartib. 
Mehnat kodeksi 
– mehnat to‘g‘risidagi qonunlar majmui. 
Mehnat nizolari 
– ish beruvchi hamda xodim yoki xodimlar 
jamoalari o‘rtasida qonunlar, me’yoriy hujjatlar, jamoa kelishuvlari, 
mehnat shartnomasi bilan belgilab qo‘yilgan mehnat shartlari 
qo‘llanishi yuzasidan kelib chiqqan kelishmovchiliklar. 
Mehnat resurslari 
– mamlakat aholisining mehnatga layoqatli 
yoshdagi qismi. O‘zbekiston Respublikasida 16 yoshdan 54 yoshgacha 
bo‘lgan ayollar, 59 yoshgacha bo‘lgan erkaklar mamlakat mehnat 
resurslarini tashkil etadi. 
Mehnat staji 
– xodimning belgilab qo‘yilgan tartibda 
hisoblanadigan mehnat faoliyati davri. 
Mehnat shartnomasi 
– xodim bilan ish beruvchi o‘rtasida 
muayyan mutaxassislik, malaka, lavozim bo‘yicha, haq evaziga 
muayyan ishlarni bajarish haqidagi o‘zaro kelishuv. 
Mehnatni tashkil etish 
– korxonada ish jarayonini uyushtirish 
tartibi va tamoyillari. 
Moddiy manfaatdorlik 
– guruh jamoasi va ayrim xodimning o‘z 
iqtisodiy va mehnat faoliyatlari yuqori samarali bo‘lishidan 
manfaatdorlikka va faollikka undaydigan tamoyillar. 
Moddiy farovonlik 
– insonlar moddiy ehtiyojlarining qondirilishi 
darajasi. 
Muzokaralar 
– bu ixtiloflarni hal qilish vositasi sifatida taktik 
usullarning majmuidan iborat bo‘lib, qarama-qarshi tomonlarning 
o‘zaro maqbul yechimga kelishlariga qaratishidir. 

---

356 
Muntazam rahbarlar 
– bu, korxona va tashkilotlar asosiy 
faoliyatida band bo‘lgan bo‘linma rahbarlaridir. Funksional rahbarlar 
deganda, asosiy faoliyatda bevosita ishtirok etmaydigan bo‘linma 
rahbarlari tushuniladi.