O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti q. X. Abdurahmonov, sh. R. Xolmo‘minov

Korxona resurslari 
– bu ishlab chiqarish yoki xizmat 
ko‘rsatishda foydalaniladigan resurslar bo‘lib, ularni uch guruhga 
ajratish mumkin: natural yoki tabiiy resurslar, moddiy resurslar va 
inson resurslari. 
Korxonaning asosiy (ishlab chiqarish) xodimlari 
– bevosita 
ishlab chiqarish jarayonida ishtirok etuvchi, korxonaning iqtisodiy 
faoliyat turlari tasniflagichiga mos keluvchi asosiy mahsulotlarni 
(xizmatlar) ishlab chiqarish bo‘yicha funksiyalarni, shuningdek 
yordamchi ishlab chiqarish uchun ishlab chiqarish dasturida 
belgilangan yo‘ldosh mahsulotlarni (xizmatlar) ishlab chiqarish 
bo‘yicha funksiyalarni bajaruvchi ishchilar. 
Korxonalar, tashkilotlar va muassasalarning yordamchi 
xodimlari 
– o‘z ichiga boshqaruv xodimlarning faoliyatini ta’minlash 
funksiyasini amalga oshiruvchi texnik va xizmat ko‘rsatuvchi xodim-
larni oladi. 
Korxona, tashkilot va muassasaning texnik xodimlari 
— bu 
funksiya boshqaruv xodimlarining faoliyatini ta’minlash va ularga 
texnik xizmat ko‘rsatish bo‘yicha ishlarni bajarishdan iborat bo‘lgan 
xodimlardir (bosma, ko‘paytirish va arxiv ishlari, kutubxona ishi, 
hujjatlarni yetkazib berish, kompyuter texnikasiga xizmat ko‘rsatish, 
kantselyariya, kotiblik va boshqa ishlar). 
Korxona, tashkilot va muassasaning xizmat ko‘rsatuvchi 
xodimlari 
– bu funksiyaga binolar va hududlarga texnik va xo‘jalik 
xizmatini ko‘rsatish, ularni muhofaza qilish, boshqaruv xodimlariga 
transport xizmatini ko‘rsatish, shuningdek, korxona, tashkilot va 
muassasaning boshqaruv va asosiy (ishlab chiqarish) xodimlariga 
xizmat ko‘rsatish bo‘yicha boshqa ishlar, jumladan ijtimoiy-maishiy 
xizmatlar qiluvchi xodimlardir. 
Korxona va tashkilot 
– bu muayyan maqsadlarga erishish uchun 
birgalikda ishlaydigan kishilar birlashmasidir.