O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti q. X. Abdurahmonov, sh. R. Xolmo‘minov

Mutaxassislar 
– bu boshqaruvga doir qarorlar tayyorlash va 
ishlab chiqish funksiyasini bajaruvchi xodimlardir. 
Nafaqa 
– muhtoj odamlarga davlat, korxona, tashkilot va ayrim 
shaxslar tomonidan beriladigan yordam puli. 
Namunaviy shtatlar 
– tashkilotlar, muassasalar va korxona-
larning maqsadlari, vazifalari, funksiyalari va ishlab chiqarish 
dasturlarining bajarish uchun kerak bo‘lgan sonini ko‘rsatgan holda 
doimiy ishchilarning lavozimlar ro‘yxati. 
Obligatsiya 
(lotincha – 
“majburiyat” 
so‘zidan) – qiymatiga 
nisbatan egasiga qat’iy belgilangan daromad keltiruvchi qimmatli 
qog‘oz, qarzni qaytarib berish va foiz to‘lashni tasdiqlovchi 
majburiyatnoma. 
Optsion 
(nemischa – 
“tanlash”, “istak” 
so‘zidan) – sotuvchi yoki 
xaridorlarga qimmatli qog‘ozlar yoki to‘lovlarni muayyan muddat 
davomida belgilangan narxlarda sotib olish yoki sotish huquqini 
beradigan shartnoma. 
Pensiya 
– (lotincha – 
“to‘lov” 
so‘zidan) – fuqarolarga qonunda 
belgilangan hollarda muntazam va odatda umrbod to‘lanadigan 
to‘lovlar, ijtimoiy ta’minot shakli. Yoshga doir, nogironlik, boquvchisi 
yo‘qotilganlik pensiyalari mavjud. 
Personal 
(lotincha – 
“shaxs” 
so‘zidan) – korxona, muassasa, 
tashkilot xodimlari tarkibi. 
“Personalni boshqarish” fanining predmeti 
– korxonalarning 
samarali faoliyat ko‘rsatishini ta’minlash va ishlovchilarning 
ehtiyojlarini qondirish maqsadida xodimlarga maqsadga muvofiq ta’sir 
ko‘rsatish bilan bog‘liq bilimlar tizimi. 
“Personalning kasbiy tuzilishi” 
tushunchasi bir-biri bilan bog‘liq 
bo‘lgan quyidagi jihatlar, ya’ni ishchi kuchining kasbiy tuzilishi, uning 
malakaviy tuzilishi hamda malakaning mazmunidan iborat.