O‘zbekiston respublikasi oliy va o‘rta maxsus ta’lim vazirligi toshkent irrigatsiya va qishloq xo‘jaligini mexanizatsiyalash muhandislari instituti qarshi filiali

Ер участкаси ҳимоя ҳудудлари ҳақидаги маълумотлар. Кўчмас мулк объектлари, иншоотларнинг (автомобил ва темир йўлларга, каналлар ва бошқа гидротехник иншоотларга, алоқа ва электр узатиш линияларига, муҳандислик ва транспорт коммуникацияларига, табиий ҳимоя ва бошқа объектларга) қулай ва хафвсиз фаолиятини таъминлаш учун ҳимоя ҳудудлари белгиланади ва жадвалга қуйидаги маълумотлар киритилади (1.9-илова):
-ҳимоя ҳудуди ўрнатилган объект тури;
-ҳимоя ҳудуди ким томонидан, қачон ва қандай асосга асосланиб ўрнатилган, ҳужжат рақами ва санаси;
-ҳимоя ҳудуди ўлчами ва майдони;
-ҳимоя ҳудудидан фойдаланишга ўрнатилган тартиб.
1.3. Бино ва иншоотларнинг кадастр ҳужжатларини тайёрлаш тартиби

Бино ва иншоотлар давлат кадастр маълумотлари барча давлат органлари, юридик ва жисмоний шахслар учун мажбурий юридик кучга эгадир. Кадастр ҳужжатлари бино ва иншоотлар билан Фуқаролик ҳуқуқий битишувларни амалга оширишда, уларни солиқка тортишда, лойиҳалаштиришда ва бошқа юридик ҳаракатларда ҳуқуқий, иқтисодий ва техник маълумотлар сифатида қабул қилиниши керак.

Бино ва иншоотлар кадастр ҳужжатлари тўплами (1-илова) қуйидаги ҳужжатлар ва маълумотлар асосида тузилади:
- бино ва иншоотларга бўлган мулкий ҳуқуқни тасдиқловчи, чекловчи, тўхтатувчи ҳужжатлар нусхалари;
- бино ва иншоотлар экспликацияси;
- бино ва иншоотларнинг жойлашув тафсилоти режаси;
- бино ва иншоотлар чизмалари, режа, қирқим, фасад (олд томон кўриниши);
- хоналар бўйича ички ўлчови қайдномаси;
- бино ва иншоотлар ташқи ўлчови қайдномаси;
- бино ва иншоотлар конструкциялари элементлари тўғрисидаги маълумотлар;
- бино ва иншоотларни баҳолаш далолатномаси;
-бино ва иншоотларнинг баҳоланган нархи ҳақидаги ҳисоботлар;
- бино ва иншоотларни чеклаш ва чегаралаш ҳуқуқлари тўғрисидаги маълумотлар;
- бино ва иншоотлардан махсус фойдаланиш тартиби ҳақидаги маълумотлар.


Бино ва иншоотларга бўлган мулкий ҳуқуқни тасдиқловчи, чекловчи, тўхтатувчи,