O‘zbekiston respublikasi oliy va o‘rta maxsus ta’lim vazirligi toshkent irrigatsiya va qishloq xo‘jaligini mexanizatsiyalash muhandislari instituti qarshi filiali

Титул варағини расмийлаштириш тартиби: Титул варағи, титул жилди ва варағи-дан иборат бўлади. Титул жилди қалин картон қоғозда тайёрланиб, қуйидаги маълумотлар расмийлаштирилиши керак (1.1-илова):
-Ўзбекистон Республикаси Герби;
- «Ўздавергеодезкадастр» давлат қўмитасининг тўлиқ номи: (Ўзбекистон Респуб-ликаси Ер ресурслари, геодезия, картография ва давлат кадастри давлат қўмитаси);
-ҳудудий ер тузиш ва кўчмас мулк кадастри хизматининг тўлиқ номи: (Самарқанд вилояти ер тузиш ва кўчмас мулк кадастри хизмати давлат корхонаси);
- туман (шаҳар) ер тузиш ва кўчмас мулк кадастри хизматининг тўлиқ номи: (Самарқанд туман ер тузиш ва кўчмас мулк кадастр хизмати давлат унитар корхонаси);
- кадастр ҳужжатлари тўпламининг номи;
- объект номи;
- ер участкаси кадастр рақами;
- бино ёки иншоот кадастр рақами;
- мулк эгаси номи;
- ҳуқуқ тури.
Титул варағида (1.2- илова) титул жилдидаги маълумотлар такрорланиб, ер участкаси ва бино-иншоотларни рўйхатдан ўтказиш санаси ва рақами қайд этилади, ёзувлари, давлат рўйхатидан ўтганлиги ҳақидаги «Гувоҳнома»ларнинг рақами, берилган санаси кўрсатилиб, давлат рўйхатидан ўтказувчининг имзоси ва мухри билан тасдиқланган бўлиши керак.
Тушунтириш хатини расмийлаштириш тартиби: Тушинтириш хати, кадастр хизмати ходими томонидан мулкнинг кадастр съёмкаси, хатлов ва баҳоси бўйича тузилади. Унда кўчмас мулк ҳақидаги қуйидаги қисқача маълумотлар ва кўрсатгичлар кўрсатилади:
-кўчмас мулк объектида бажариладиган кадастр ишларининг мақсади ва асоси ҳақида;
- юридик ёки жисмоний шахс яъни, мулк эгасининг аризаси;
- мулк эгаси билан кадастр ишларини бажариш ҳақидаги шартнома нусхаси;
- ҳаражатлар сметаси нусхаси;
- кадастр ишларига тўлов чекининг нусхаси;
- кадастр ишларини топшириш-қабул қилиш далолатномаси нусхаси.
Мазкур объект бўйича олдин бажарилган (агар мавжуд бўлса) топографик-геодезик, кадастрлаштириш, хатлов ва баҳолаш ишларининг ҳисобот материаллари нусхаси ҳамда ижрочилари, бажарилган вақти, ҳисоботнинг инвентар рақами ва сақланаётган жойи ҳақидаги маълумотлар ҳам тушунтириш хатида кўрсатилиши ва илова қилиниши зарур.