O„zbekiston respublikasi oliy va o„rta maxsus ta‟lim vazirligi toshkent moliya instituti k. Z. Xomitov

Yaxshilanishlarni huquqiy baholash. 
Ko‗chmas mulk obyekti 
manzilgohi, yer kadastri va uning joylashgan o‗rnining bayoni 
yordamida identifikatsiya qilinadi. Ko‗chmas mulk obyektini huquqiy 
bayon qilish uchun mulk huquqlarini tasdiqlovchi mavjud hujjatlar 
nusxalaridan foydalanish mumkin. Yanada aniqroq bayon qilish uchun 
obyektni har tomonlama ko‗zdan kechirish kerak. 
Identifikatsiya yer maydoni, qurilmalar, hamma yaxshilashlarning 
to‗liq va batafsil bayonini o‗z ichiga oladi. Obyektning qiymati nafaqat 
qurilmalarning jismoniy holatiga, balki mulk huquqlarining holatiga 
ham bog‗liqdir. 
Huquqiy ekspertiza mulkni baholashdagi birinchi bosqichdir. 
Iqtisodiy baholashdan oldin obyektning huquqiy tartibini, uning hamma 
cheklashlarini va qaramligini belgilash lozim. 
Ekspertizani o‗tkazish tartibi quyidagicha qabul qilinishi mumkin: 
•
sotuvchi, xaridor, ijarachi va mulkning huquqiy maqomini 
aniqlash; huquqni belgilaydigan hujjatlarni va ularning to‗g‗riligini 
tekshirish; 
•
qilinayotgan bitimning qonuniyligini belgilash; 
•
mulk bilan bog‗liq cheklovlar, taqiqlarning mavjudligi.