O‘zbekiston Respublikasi Oliy va O‘rta maxsus ta’lim vazirligi Toshkent Davlat Iqtisodiyot Universiteti soatov n. M., Tillaxo‘jayeva g. N

Tillaxo‘jayeva G.N. – Katta o‘qituvchi.
Taqrizchilar:

iqtisod fanlari doktori,

O‘zbekistonda xizmat ko‘rsatgan fan arbobi,

professor Abdullayev YO.

iqtisod fanlari doktori,

O‘zbekistonda xizmat ko‘rsatgan iqtisodchi,

professor Nabiyev X.N.

O‘zbekiston Respublikasi Fanlar Akademiyasining akademiklari S.S.G‘ulomov va M.Sharifxo‘jayev umumiy tahriri ostida

Ushbu darslik zamon talablari darajasida yangi darsliklar avlodini yaratish konsepsiyasiga binoan 2003 yilda Abu Ali ibn Sino nomli Tibbiyot nashriyoti tomonidan chop etilgan “Statistika” darsligining qayta ishlangan ikkinchi nashridir.

Qayta ishlash jarayonida kitob matni yaxshilab tahrir qilinishi va ikkilamchi masalalarni chiqarib tashlanishi hisobiga uning hajmi ikki barobar ixchamlashgan. Ammo, mazmuni esa ilg‘or pedagogik va axborot texnologiyalari asosida yangicha yondashish va talqinlarni qo‘llash natijasida boyigan. Har bir mavzu masalalarini bayon etishda dasturlangan o‘quv texnologiyasi tomoyillaridan keng foydalanilgan. Jumladan, asosiy ilmiy tushuncha va kategoriyalar hamda nazariy masalalar dastlab muhim mantiqiy – tuzilmaviy elementlar va xarakterli jihatlarga ajratilib, turli sxema – tarhlar, chizma va boshqa ko‘rgazmali shakllar tasvirlangan. So‘ngra ular har taraflama izohlanib, hayotiy misollar yordamida tushuntirilgan.

Darslikda statistika predmeti va metodi, statistik kuzatish uslubiyati kabi mavzularga bag‘ishlangan bo‘limlar muammoli ma’ruzalar tamoyili asosida yozilgan. Variatsiya ko‘rsatkichlari, trendlarni aniqlash, dispersion, korrelyatsion va regression tahlil singari ko‘p hisoblash bilan bog‘liq bo‘lgan masalalarni yoritishda axborot texnologiyalaridan foydalanish zarurati va yo‘llari ko‘rsatib o‘tilgan.

Darslikda fan masalalari ikki turkumga ajratilib, birinchi – «Tasviriy statistika» - qismida statistika predmeti va metodi, statistik kuzatish uslubiyati, statistik ko‘rsatkichlar, axborotlarni jadval grafiklar yordamida taqdim etish usullari, ikkinchi «Analitik statistika» qismida esa tasniflash va guruhlash, taqsimot qatorlari, o‘rtacha miqdorlar va o‘rtacha tuzilmaviy ko‘rsatkichlar, variatsiya ko‘rsatkichlari, tanlanma kuzatish, korrelyatsion va regression tahlil, dinamikani o‘rganish statistik usullari, iqtisodiy indekslar, iqtisodiy balanslar va milliy hisobchilik asoslari bayon etilgan.

Darslik barcha iqtisodiy fakultet oliy o‘quv yurtlari talabalari uchun mo‘ljallangan. Undan malaka oshirish institutlarining tinglovchilari, aspirantlar, ilmiy va amaliy xodimlar statistika uslubiyatining yangicha talqin va usullarini bilib olishlari mumkin.

Авторы: