O„zbekiston respublikasi oliy va o„rta maxsus ta'lim vazirligi toshkent moliya instituti sanjar Sobirjonov

Mehnat  taqsimoti
  –  uning  taqsimlanishi  har  bir  xodim,  guruh  va 
bo‗linmaga majburiyat, funksiya, faoliyat doirasini belgilab qo‗yish. Menejmentda 
gorizontal va vertikal mehnat taqsimoti farqlanadi. Gorizontal taqsimot – mehnatni 
ish  turlari,  funksiyalar  bo‗yicha  ajratish.  U  mutaxassislarni  belgilashdan, 
tashkilotda  funksional  xizmatlar  va  bo‗linmalarni  tuzishdan  iborat.  Boshqaruv 
mehnatining  vertikal  taqsimoti    tashkilotda  boshqaruv  pog‗onalarini  ajratishga 
asoslanadi.  Xodimlar  yoki  bo‗linmalarning  faoliyatini  muvofiqlashtirib  turish 
uning asosini tashkil etadi. 
Mehnat sharoiti
 – mehnat jarayonida insonning sog‗ligi va ish qobiliyatiga 
t‘sir qiluvchi ishlab chiqarish muhitidagi omillar yig‗indisi. Bu omillar texnika va 
texnologiyaning o‗ziga xos xususiyatlari; mehnatning og‗irligi va mashaqqatliligi; 
tashqi muhitning inson organizmi va mehnat qobiliyatiga ta‘siri; mehnat va hordiq 
chiqarish tarzi; ishlab chiqarish jamoasidagi ruhiy iqlim bilan belgilanadi. 
Motivlash
  –  inson  xulqi  motivlaridan  uning  faoliyatini  boshqarish 
amaliyotida  foydalanishni  ko‗zda  tutadigan  menejment  funksiyasi.  Har  bir 
insonning  xulqi  motivlar,  ya‘ni  insonni  ma‘lum  harakatlarni  bajarishga  undovchi 
ichki kuchlar bilan belgilanadi. Motivlar inson ichki holati yoki tashqi muhit ta‘siri 
omillaridan uning ta‘sirlanishi ko‗rinishida namoyon bo‗ladi, insonning ehtiyojlari, 
ularning darajasini anglash va ularni qondirish imkoniyatlari bilan belgilanadi.. 
Norasmiy  jamoa
  –    muayyan  maqsadlarga  erishuv  uchun  doimiy  o‗zaro 
munosabatga kirishadigan,  to‗satdan  uyushgan odamlar  guruhi.  Ushbu  maqsadlar 
norasmiy tashkilotlar mavjudligining sababidir. Yirik tashkilotlarda bitta emas, bir 
nechta norasmiy tashkilot bo‗ladi. 
Obro„
  –  muayyan  sifatlari  va  xizmatlariga  yarasha  umume‘tirof  etilgan 
ahamiyati,  ta‘siri  bo‗lgan  shaxs  yoxud  tashkilot.  Menejerning  obro‗si    samarali 
boshqaruvning  zaruriy  shartidir.  O‗z  vazifalariga  halollik,  tashabbuskorlik  va 
javobgarlik  bilan  munosabatda  bo‗lish,  jamoaning  har  bir  a‘zosiga  talabchan  va 
e‘tiborli bo‗lish, yuqori kasbiy malaka egasi bo‗lish orqali bunga erishiladi.