O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

6.7. Металларнинг эришида кузатиладиган аномал ҳодисалар.
Металлар эришининг электрокимёвий механизмини тасдиқловчи маълумотлар билан бир қаторда бу тасаввурларга мос келмайдиган натижалар ҳам қайд қилинган.
Баъзи бир металларда уларнинг птенциалини Е_кор дан мусбат томонга силжитилганда водород ажралишининг тезлашуви бунга мисол бўлади. Электрокимёвий қонуниятларга кўра бундай шароитларда ажраладиган водород ҳажми камайиши лозим. Ҳақиқатда эса Н₂ токи бўйича чиқиш ортади. Масалан, алюминий учун баъзи эритмаларда бу реакциянинг токи бўйича чиқиш 100 % 10 мартага ортади.
Кўп сонли аномал ҳодисаларнинг ичида актив соҳада бўлган металл эриш тезлигининг Е потенциалга боғлиқ бўлмаслик эффекти деярли биринчи ўринда туради. Бу айниқса ишқорли металлар қотишмалари, темир, никел, хром, жез, алюминий ва унинг қотишмалари, кобалт, марганец, титан, германий, мис ва темир асосидаги қотишмаларнинг эришида кузатилади. Бу металларнинг эриш реакцияларида ток бўйича чиқиш маълум бир шароитларда 100% дан ортади.
6.7-расмда темир, хром ва никелларнинг актив соҳа потенциалини манфий томонга силжитилгандаги эриш эгриликлари келтирилган.

6.7-расм. Эриш тезлигининг потенциалга боғланиши: 1-хром; 2-темир; 3-никел учун 1 н сулфат кислотасида, 50^оС ҳароратда

Келтирилган маълумотлардан кўринадики, потенциалнинг манфий қийматларида металлнинг эриш тезлиги билан потенциал ўртасидаги электрокимёвий реакцияларга хос бўлган Тафел боғланишлари амалга ошмайди.

Металларнинг табиатидаги электрокимёвий кинетика қонунларидан баён этилган четлашиш эффекти хилма-хил шароитларда учрайди ва систематик характерга эга. Бундай эффектлар учун металларнинг эришидаги «аномал ҳодисалар» термини қўлланилади.
Бундай ҳодисаларни изоҳлашда олимлар металларнинг электрокимёвий механизм асосида эриши билан бир қаторда бу жараён кимёвий механизм бўйича ҳам амалга ошади деган ғояни илгари сурдилар.
Бу фикр биринчи марта кристалл панжарадан металл атомларнини узиб чиқаришдаги активлаш энергаясини водород ионларининг разрядланишида ажраладиган энергия ҳисобига камайтириш мумкинлигини кўрсатган А.Н. Фрумкин томонидан шакллантирилди.
Кимёвий эришни тушунтириб бериш учун жараённинг бориш реакциясида металлнинг эритма компоненти билан комплекс ҳосил қилиш босқичи инобатга олиниши лозим. Бундай комплекс ҳосил қилувчилар сифатида оксидловчилик хоссасига эга бўлган компонентлар қатнашиши мумкинлигидан эришни — бевосита электронни металлдан адсорбцияланган металл-оксидловчи оралиқ комплекс лигандига бериш жараёни деб қараш мумкин.
Бундай физикавий ҳодиса манзараси экспериментал қайд қилинган металлар кимёвий эриш тезлигининг потенциалга боғлиқ бўлмаслик тамойилига зид эмас.
Айтилганларнинг ҳақиқатга яқинлиги электр тиндиришдаги спектроско-пия усулини қўллаб олинган натижалар билан исботланган. Бу натижаларнинг таҳлилига кўра, металлнинг аномал эришига мос келадиган потенциалда унинг сиртидаги сув молекулалари адсорбцияси сирт комплексида заряднинг ўтиши билан кечиши мумкин. Бу жараён потенциалнинг мусбат томонга силжиши билан кучаяди. Шу сабабли, кўрсатиб ўтилган шароитларда электрокимёвий эришнинг жадаллашуви бундай комплекс реакцион қобилятининг сусайиши билан компенсацияланиши мумкин.