O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

6.2-расм. Коррозия жараёни назоратининг кўринишлари.


Катод назорати (∆Е_к ˃˃ ∆Е_а):
А. Тормозловчи фактор — О₂ молекулалари қайтарилиш реакциясининг қийинлиги. Яхши аралаштириладиган нейтрал эритмаларда учрайди.
Б. Тормозловчи фактор — кислород диффузияси. Бу диаграмма аралаштирилмайдиган нейтрал эритмалар учун характерли. Темир, рух ва баъзи бошқа металлар шундай коррозияланади.
В. Лимитловчи фактор — водород ионлари разряди реакциясининг қийинлиги. Темир ва рухнинг кислотали эритмаларидаги коррозия жараёнлари учун характерли.
Г. Аралаш катод-анод назорати (∆Е_к ≈ ∆Е_а) — бу диаграмма пассив ҳолатдаги темир, пўлатлар, алюминий ва бошқа металларнинг коррозиясига хосдир.
Д. Аралаш катод – қаршилик назорати (∆Е_к ˃˃ ∆Е_а , R≠0) — бундай коррозия паст электр ўтказувчанликка эгабўлган муҳитларда, масалан ер ости қувур ўтказгичларда кечади.
Е. Аралаш катод-анод-қаршилик назорати (∆Е_к ≈ ∆Е_а , R≠0) — коррозиянинг бу тури электролитнинг катта омик қаршиликларида пассивланишга мойил бўлган металларда, масалан амосферадаги пўлатда рўй кузатилади.
10-МАЪРУЗА
10.1. Ўзаро контактда бўлган икки металлнинг эриши
10.2. Кислотали эритмаларда темирнинг эриши.
10.3. Қотишмалар анод эришининг механизми.
10.4. Металларнинг эришида кузатиладиган аномал ҳодисалар.
Таянч сўзлар: металлнинг эриш жараёни, анодли эриш, ионизация, коррозия тезлиги, кўчиш коэффициенти, диаграммалар методи, қутбланиш эгрилиги, катод назорати, тормозловчи фактор, лимитловчи фактор, диссоциация, анион, ностационар ҳолат, аномал ҳодиса, четлашиш эффекти.

10.1. Ўзаро контактда бўлган икки металлнинг эриши
Агарда ўзаро контактда бўлган икки металл намунаси эритмага жойлаштирилса, улардан ҳар бирининг коррозияланишини тавсифлаш учун битта металл коррозияси учун қўлланган ёндошувлардан фойдаланиш мумкин. Чунончи, ҳар иккала металл учун (ҳар бир металлнинг бирлик юзасига тўғри келувчи) Е — lg i_к ва Е — lg i_a боғланишлар графиги чизилади ва улар таҳлил қилинади. Қуйида водород қутбсизланиши билан борадиган коррозия жараёни кўриб чиқилган. Соддалаштириш учун ҳар иккала металл сиртлари бир хил деб олинади. Юқоридаги боғланишларнинг графиклари 6.3-расмда келтирилган.