O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

15.2. Оксидлаш.
Металл буюмлар сиртида оксид плёнкаларни ҳосил қилиш жараёни – оксидлаш дейилади. Оксидлашнинг замонавий усули – ишқорли эритмаларда деталларни кимёвий ва электрокимёвий ишлов беришдир.
Электрокимёвий оксидлаш 4 % ли, 65–120°С ҳароратдаги ўювчи натрий (каустик сода) эритмасида 2,5 дан 10 А/дм² гача бўлган анод токи зичлигида олиб борилади. Бундай жараённинг давомийлиги 60 минутдан ошмайди.
Кетма-кет босқичларда ҳосил бўладиган темирнинг магнитли оксидидан сифатли қоплама юзага келади:
Fe → Na₂FeO₂ → Na₂Fe₂O₄ → Fe₃O₄
Қора металларни оксидлаш қорайтириш (зоклаш) деб номланади. Қорайтириш қуйидаги такибли эритмада амалга оширилади (г/л): NaOH — 600–700; NaNO₂ — 200–250; NaNO₃ — 50–100. Ҳарорат – 135-145°С, жараённинг давомийлиги 30–90 минутни ташкил қилади. Бу жараёнда темирнинг эриши Na₂FeO₂ ва Na₂Fe₂O₄ бирикмаларининг ҳосил бўлиши билан боради, улардан эса темир оксиди плёнкаси вужудга келади:
Na₂FeO₂ + Na₂Fe₂O₄ + 2H₂O = Fe₃O₄ + 4NaOH
Оксид плёнкасининг ранги кам улеродли пўлатларда тим қора, юқори углеродли пўлатларда эса – кулранг сояли қора рангда бўлади. Коррозияга чидамлилигини ошириш учун оксидланган буюмлар 2–3% ли қайноқ совунли эритмада 2–3 сақланади, сўнгра эса 105–120°С температурадаги минерал-лашган трансформатор ёки машина мойига 5–10 минут давомида туширилади. Шундан сўнг плёнка тиниқ, ялтироқ ва текис қора тусга киради.
Шу йўл билан магнийли қотишмаларни ҳам хромкислотали электролит-ларда оксидлаб, кейинчалик лок-бўёқ қопламалари суркалади. Оксид плёнкаларининг қалинлиги одатда 0,8-1,5 мкм ни ташкил қилади.
Сирт оксид плёнкаларнинг коррозиябардошлик хусусиятлари жуда юқори бўлмаганлиги сабабли бу усулнинг қўлланилиш соҳаси унча кўп эмас.
Оксид плёнкалари билан қоплаш асосан декоратив ишлов бериш мақсадида амалга оширилади. Деярли барча ўқотар қуроллар ва аниқ ўлчовчи асбоблар шу йўл билан қорайтирилгани боис, улар узоқ вақт сақланадиган нафис ва чиройли қора рангда бўлади. Шу билан бир қаторда улар жуда юпқа (1,0–1,5 микрон) бўлганлиги учун буюмнинг ўлчамларига таъсир қилмайди.