Oʻzbekiston respublikasi oliy va oʻrta maxsus taʼlim vazirligi toshkent kimyo-texnologiya instituti

Kompleks tola va iplar — boʻylama birlashtirilgan elementar tola yoki iplardan tashkil topgan.
Kontrafakt tovarlar-korxona tomonidan kimningdir qonuniy huquqlarini buzgan holda ishlab chiqariladigan mahsulot. Kontrafakt tovarlar deb tovar belgisi noqonuniy berilgan yoki belgisi aralashib ketish darajasigacha borgan tovarlar,etiketkalar va tovar qadoqlariga aytiladi.
Kontrafaksiya (lotincha – “contrafactio” soʻzidan olingan boʻlib, qalbaki degan maʼnoni bildiradi) – baʼzi firmalar tomonidan oʻz tovar belgilarida boshqa firmalarning mashhur, xaridorgir tovarlarida aks ettirilgan belgilarni ifoda etib foydalanish va shu tariqa xaridorni chalgʻitib, nopok raqobatni avj oldirish maqsadini koʻzlash tushuniladi.
Demak, kontrafakt – intellektual mulk huquqini buzish degan maʼnoni anglatadi. Shundan kelib chiqib “kontrafakt” soʻzi – mualliflik huquqi va turdosh huquqlarni buzish maʼnosida ishlatiladi. Bugungi kunda “kontrafakt” soʻzi oʻrnida tez-tez "piratskiy" (qaroqchilik mahsuloti) iborasi ishlatilib, bu soʻz ham ingliz tilidan "piracy" — intellektual mulk huquqini buzish maʼnosida qoʻllaniladi.
Qismlar – tovarlarning funksiyalanishi uchun zarur boʻlgan tarkibiy qismlari ( masalan: velosiped gʻildiraklari).
Qoʻshimcha ekspertiza quyidagi hollarda bojxona organining mansabdor shaxsi tomonidan tayinlanadi:xuddi ana shu obyekt boʻyicha amalga oshirilgan bojxona ekspertizasi yuzasidan xulosada bayon etilgan yakuniy fikrlar yetarli darajada ochiq-ravshan yoki toʻliq boʻlmaganida; asosiy ekspertiza savollariga yangi qoʻshimcha savollar qoʻyish, yangi holat va yangi materiallar toʻplanishi kabi hollarda hamda ekspert xulosasidagi kamchiliklarni toʻldirish uchun tayinlanadi. Qoʻshimcha bojxona ekspertizasini oʻtkazish ekspertizani amalga oshirgan shu ekspertning oʻziga yoki boshqa ekspertga topshirilishi mumkin.
Lint, momiq – spiralsimon (tolasi ajratilgan) chigitda qolgan kalta tola.
Mahsulot identifikatsiyasi – sertifikatlashtirishga berilgan tovar mahsulotning ushbu turdagi mahsulotlarga qoʻyiladigan talablarga muvofiqligi oʻrnatiladigan tadbir.