|
Iqtisodiyot tarmoqlarining barqaror ishlashini oshirish omillari. Iqtisodiyot tarmoqlarining barqarorligini oshirish deganda, bо‘ladigan talofot va vayronliklarning sonini va hajmini kamaytirishga, qutqaruv va birlamchi tiklov ishlarini о‘tkazish uchun sharoit yaratish va о‘tkazishga hamda respublika iqtisodiyot rejalarida belgilab qо‘yilgan mahsulot miqdori va turlarini ishlab chiqarishga qaratilgan tadbirlar kompleksini ishlab chiqish va uni amalga oshirishdan iboratligi tushuniladi.
Iqtisodiyot tarmoqlari va obyektlarning barqaror ishlashini oshirish masalalari umumdavlat miqyosida hamda iqtisodiyot tarmog`ining hamma quyi bо‘g‘inlarida hal etilishi kerak. Buning uchun har bir korxonada uning barqarorligini oshiradigan tadbirlar kompleksini (tashkiliy, ilmiy-tadqiqot, texnologik va muhandislik-texnik tadbirlar) amalga oshirilishi lozim.
2.Barqarorlikni ta’minlash usullari va qoidalari.
Tashkiliy tadbirlarga – ishlab chiqarish xodimlarini favqulodda vaziyat sharoitida muhofaza qilish tadbirlar kompleksi: jamoa himoya inshootlari, shaxsiy saqlovchi vositalar, oziq-ovqat, suv manbalari bilan ta’minlash, fuqaro muhofazasi kuchlarini va moddiy boyliklarni saqlash kiradi.
Ilmiy tadqiqot tadbirlariga – barcha ilmiy tadqiqot muassasalarida respublika hududi uchun xarakterli tabiiy va texnogen favqulodda vaziyatlarni yuzaga kelishini taxminlash, bunday vaziyatlarni oldini olish, aholini muhofaza qilish va respublika iqtisodiyot tarmoqlarining barqarorligini oshirish bо‘yicha ilmiy tadqiqotlar kompleksi kiradi.
Texnologik tadbirlarga har bir korxonaning ishlab chiqarish xususiyati va texnologiyasiga monand olib boriladigan tadbirlar kiradi.
Muhandislik-texnik tadbirlarga katta mablag‘lar talab qiladigan tadbirlar majmuasi (inshootlar qurish, ishlab chiqarishni yangi texnologiyalar bilan jihozlash va boshqa tadbirlar) kiradi. Albatta, bu tadbirlar kompleksining asosiy bо‘g‘inini ilmiy tadqiqot ishlari tashkil etadi. Ilmiy tadqiqot ishlarida quyidagilar о‘rganiladi:
favqulodda vaziyatning muhandislik-texnik kompleksiga ta’siri;
ishlab chiqaruvchi xodimlarni muhofaza qilish;
ishlab chiqarish, texnologik va laboratoriya uskunalarini muhofaza qilish;
obyektni elektor energiyasi, suv, gaz va bug‘ bilan ta’minlash darajasi;
ishlab chiqarishdagi о‘zaro aloqalarni ta’minlash;
xom-ashyo materiallarini, tayyor mahsulotni muhofaza qilish;
shikastlovchi ikkilamchi ta’sirlarga qarshi omillarni о‘rganish;
izdan chiqqan ishlab chiqarishni qayta tiklash tadbirlarini tadqiq qilish.
О‘tkazilgan ilmiy-tadqiqot ishlarining natijalariga qarab xalq xо‘jaligi tarmoqlarining barqaror ishlashini oshirishda muayan tadbirlar kompleksi ishlab chiqiladi va amalga oshiriladi. Bular quyidagilardan iborat:
ishchi xizmatchilarni va ularning oilalarini muhofaza qilish, hamda ularning hayotiy faoliyatini ta’minlash;
muhandislik-texnik majmualarni muhofaza qilish;
shikast etkazuvchi ikkilamchi omillarni ta’sirini kamaytirish;
favqulodda vaziyatda ish rejimlarini tashkil etish;
vayron bо‘lgan ishlab chiqarishni qayta ishlash va hokazo.
Tinchlik davrida ishlab chiqaruvchi va ishlab chiqarmaydigan inshootlarning barqarorligini oshirish quyidagi omillardan iborat:
tabiiy ofat, ishlab chiqarish avariyalari va fojiyalaridan ishchi-xizmatchilar, muhandis-texnik xodimlarni muhofaza qilish;
moddiy texnikaning ta’minotini ishonchli ta’minotini boshqarish;
inshootlarni yorug‘likdan berkitish;
favqulodda vaziyatda shikastlangan ishlab chiqarishni tiklash va uni alohida ish rejimiga о‘tkazish.
Shularning ichida ishchi va xizmatchilarni muhofaza qilishning eng ishonchli omili, bu iqtisodiyot tarmoqlaridagi inshootlar chidamliligini oshirish hisoblanadi. Shu maqsadda himoya inshootlari tayyorlanadi. Bunda ishlab chiqarishlarda kо‘p vaqt bо‘ladigan fuqarolar - boshpanalarda, xavfsiz hududda bо‘ladiganlar esa - RSBda himoyalanadilar.
Uzluksiz ishlaydigan ishlab chiqarish joylarida shaxsiy himoyalovchi - boshpanalar qurilib, bunda texnologik jarayonlar shu inshootlardan turib boshqarib turiladi. Bulardan tashqari muhofazaga tayyorlanishning eng muhim elementlaridan biri, bu ishchi va xizmatchilarni muhofazalanish qoida va usullarini qо‘llashi, har qanday favqulodda vaziyatlarda harakat kilish va tizimalar tarkibida qutqaruv va tiklash ishlarida faol ishtirok qilish hisoblanadi.
Muhandis-texnik komplekslarni muhofaza qilish deganda ishlab chiqarishning moddiy asoslarini saqlash, uning inshootlarini, texnologik jihozlarini, asbob-uskunalarini, hamda kommunal-energetik tarmoqlarini saqlash tushuniladi.
Obyektdagi inshootlar, qurilmalar bir-biridan uzoqroq masofada, ya’ni eng baland inshootning bо‘yiga nisbatan ikki baravar masofada qurilishi kerak. Bu esa yong‘inga qarshi masofa hisoblanadi. Mana shunday qurilmalarning eng asosiy ishlab chiqarish inshootlari pastroq balandlikda qurilib, ular metalli yoki temir-beton karkaslardan tayyorlanishi lozim.
G‘ishtli inshootlarda bо‘lmalar armirlangan beton plitalari orqali berkitilishi lozim. Yengil yonuvchan moddalarni (benzin, kerosin, mazut) saqlovchi zaxira xonalari, ishlab chiqarish korpuslaridan uzoqroqda, yerga yaqinroq qilib (chuqurroq joylarda) qurilishi kerak.
Biror obyektning chidamliligi, u yerdagi inshootlar va qurilmalarning chidamlilik darajasiga bog‘liq. Odatda inshootlarning chidamliligi: karkas, rom, tirgovich, xavon va boshqa yо‘llar orqali oshiriladi (10.1-rasm).
Baland bо‘lmagan qurilmalarning mustahkamliligini oshirishda, о‘sha imoratning atrofini tuproq bilan tо‘ldirish muhim hisoblanadi 10.2- rasm).
Juda baland inshootlarning (quvurlar, minoralar va boshqalarni) mustahkamligini oshirishda, ularni har tarafdan tortib qо‘yish usuli qо‘llaniladi (10.3-rasm).
Yengil yonuvchan, zaharli moddalar saqlanadigan omborlarni (idishlarni) saqlashda, shu idish ichidagi suyuqlik sig‘adigan darajada idish atrofi tuproq bilan tо‘siq hosil qilinadi (10.4-rasm). Texnologik jihozlar, asbob-uskunalar va boshqalarning barqarorligini, mustahkamligini oshirishda, shu asbob-uskunalar joylashtirilgan qurilmalar, moslamalar qurish orqali muhofaza qilinadi. Bunday moslamalar niqoblar, kameralar, zontlar va boshqalar qо‘llanilib ularning ichiga о‘rnatilganda jihozlar inshoot bо‘laklaridan saqlanadi (10.5-rasm).
Texnologik jihozlarni mustahkamligini oshirish uchun ularni avval bu moslamalardan tashqari biror mustahkam asosga (fundamentga) mahkamlab qо‘yish zarur, hamda ularni iloji boricha inshootlarning pastki qavatiga yoki yerto‘lalarga joylashtirish qulay hisoblanadi.
Do'stlaringiz bilan baham: |
