|
6-jadval. 2019-2021- yillarda iqtisodiy faoliyat turlari bo‘yicha YAIM tarkibi (jamiga nisbatan % da)
Ichimliklar ishlab chiqarish sanoati. 2020- yilda ishlab chiqaradigan sanoat tarkibida ichimlik mahsulotlari ishlab chiqarishning ulushi 2,4 % ni, uning fizik hajm indeksi esa 105,7 % ni tashkil etgan bo‘lsa, 2021- yilning yanvar-dekabr oylari yakunlariga ko‘ra, ichimlik mahsulotlari ishlab chiqarishning ulushi 2,7 % ni tashkil etdi, o‘tgan yilga nisbatan fizik hajm indeksi esa 117,7 % ni va ishlab chiqarish hajmi 9978,3 mlrd. so‘mni tashkil etdi.
To‘qimachilik mahsulotlari ishlab chiqarish sanoati. 2020- yilda ishlab chiqaradigan sanoat tarkibida to‘qimachilik mahsulotlari ishlab chiqarishning ulushi 12,0 % ni tashkil etgan bo‘lsa, uning fizik hajm indeksi 117,4 % ni tashkil etgan. Shuningdek, 2021- yilning yanvar-dekabr oylarida to‘qimachilik mahsulotlari ishlab chiqarishning ulushi 13,7 % ni tashkil etgan, fizik hajm indeksi 19,1 % ga o‘sgan bo‘lsa, ishlab chiqarish hajmi 51507,0 mlrd. so‘mni tashkil etdi.
Kiyim ishlab chiqarish sanoati. 2020- yilda yakunlariga ko‘ra, kiyim ishlab chiqarish sanoatining ishlab chiqaradigan sanoat tarkibidagi ulushi 3,4 % ni, fizik hajm indeksi esa 107,2 % ni tashkil etgan bo‘lsa, 2021- yilning yanvardekabr oylarida ishlab chiqaradigan sanoatdagi ulushi 3,5 %, fizik hajm indeksi 118,7 % ni, ishlab chiqarish hajmi esa 13284,1 mlrd. so‘mni tashkil etdi.
Kimyo mahsulotlari ishlab chiqarish. 2020- yilda yakunlariga ko‘ra kimyo mahsulotlari ishlab chiqarish sanoatining ishlab chiqaradigan sanoatdagi ulushi 6,9 % ni tashkil etgan, fizik hajm indeksi esa 107,6 % ni tashkil etgan. Shuningdek, 2021- yilning yanvardekabr oylarida ishlab chiqaradigan sanoatdagi ulushi 7,4 % ni, fizik hajm indeksi 105,7 % ni hamda ishlab chiqarish hajmi 27577,9 mlrd. so‘mni tashkil etdi.
Koks va neftni qayta ishlash mahsulotlari ishlab chiqarish. 2020- yilda yakunlariga ko‘ra, koks va neftni qayta ishlash mahsulotlari ishlab chiqarish sanoatining ishlab chiqaradigan sanoatdagi ulushi 3,6 % ni tashkil etgan, fizik hajm indeksi esa 98,3 % ni tashkil etgan. Shuningdek, 2021- yilning yanvardekabr oylarida ishlab chiqaradigan sanoatdagi ulushi 3,0 % ni, fizik hajm indeksi 70,8 % ni hamda ishlab chiqarish hajmi 11335,2 mlrd. so‘mni tashkil etdi.
Rezina va plastmassa buyumlar ishlab chiqarish. 2020- yilda yakunlariga ko‘ra, rezina va plastmassa buyumlar ishlab chiqarish sanoatining ishlab chiqaradigan sanoatdagi ulushi 2,3 % ni tashkil etgan, fizik hajm indeksi esa 109,7 % . Shuningdek, 2021- yilning yanvardekabr oylarida ishlab chiqaradigan sanoatdagi ulushi 2,0 % ni, fizik hajm indeksi 100,4% ni hamda ishlab chiqarish hajmi 7500,5 mlrd. so‘mni tashkil etdi.
2021- yilda O‘zbekiston Respublikasi YAIM hajmi joriy narxlarda 734 587,7 mlrd. so‘mni tashkil etdi va 2020- yil bilan taqqoslaganda 7,4 % ga o‘sdi. YAIM deflyator indeksi 2020- yildagi narxlarga nisbatan 113,6 % ni tashkil etdi.
2021- yilda aholi jon boshiga hisoblangan YAIM hajmi joriy narxlarda 21 039,3 ming so‘mni (yoki 1 983,0 AQSH dollari ekvivalentida) tashkil etdi va 2020- yil bilan taqqoslaganda 5,3 % ga o‘sdi.
2021- yil yakunlariga ko‘ra, YAIM tarkibida tovarlar ishlab chiqarishda 418 927,4 mlrd. so‘m, xizmatlar ko‘rsatish sohasida – 262 496,3 mlrd. so‘m miqdorida yalpi qo‘shilgan qiymat yaratildi, mahsulotlarga sof soliqlar esa 53 164,0 mlrd. so‘mni tashkil etdi. Joriy davrda o‘rtacha almashuv kursi bo‘yicha hisoblangan nominal YAIM hajmi 69 235,5 mln. AQSH dollarini tashkil etdi (2020- yilda – 59 885,3 mln. AQSH dollari).
Ma’lumot uchun: 2021- yilda AQSH dollarining so‘mga nisbatan o‘rtacha rasmiy kursi 10 610,0 so‘m, 2020- yilda 10 055,8 so‘mga teng bo‘lgan. *Bu yerda va keyingi o‘rinlarda 2019- 2020-yillar uchun aniqlik kiritilgan ma’lumotlar keltirilgan.
2021- yilda YAIM o‘sishi 2020- yildagi 1,9 % va 2019- yildagi 5,7 % ga nisbatan 7,4 % gacha o‘sdi. Shu bilan bir vaqtda, YAIM deflyator indeksida 2020- yildagi 111,6 % ga nisbatan 2021- yilda 113,6 % gacha o‘sish kuzatildi. 2019- yilda YAIM deflyator indeksi 117,9 % ni tashkil etdi.
Ma’lumot uchun: Jahon bankining hisob-kitoblariga ko‘ra, 2020- yilda O‘zbekiston Respublikasining xarid qobiliyati pariteti (XQP) bo‘yicha YAIM hajmi 264,7 mlrd AQSH dollarini tashkil etdi. 2020- yilda MDHning boshqa davlatlarida XQP bo‘yicha hisoblangan YAIM hajmi quyidagicha: Rossiya Federatsiyasida – 4 133,1 mlrd. AQSH doll.; Ukrainada – 544,8 mlrd. AQSH doll.; Qozog‘istonda – 501,6 mlrd. AQSH doll.; Belarusda – 189,8 mlrd. AQSH doll.; Ozarbayjonda – 146,1 mlrd. AQSH doll.; Armanistonda – 39,4 mlrd. AQSH doll.; Tojikistonda – 36,8 mlrd. AQSH doll.; Moldovada – 34,1 mlrd. AQSH doll.; Qirg‘izistonda – 32,7 mlrd. AQSH doll.
Do'stlaringiz bilan baham: |
