Oʻzbekiston respublikasi oliy va oʻrta maxsus taʼlim vazirligi toshkent moliya instituti

2.4. Birja a’zolarini birja savdolarida ishtirok etishiga ruxsat berish 
tartibi 
Birja a’zolarining birja savdolarida ishtirok etishiga Birja savdolarining 
elektron tizimi ( keyingi o‘rinlarda BSET)dan foydalangandagina ruxsat berilishi 
mumkin. BSET tizimiga kirish huquqi faqat birja a’zosining treyderiga beriladi. 
Treyderning BSETga kirishiga ruxsat unga treyderning avtomatlashtirilgan ish joyi 
va individual login hamda treyderning parolini berish orqali amalga oshiriladi. 
Birja a’zosining arizasiga ko‘ra savdolarda ishtirok etishga ruxsat birja 
filiallari va savdo maydonchalarida berilishi mumkin. Birja savdo zallariga ruxsat 
faqatgina treyderlarga berilishimumkin. 
Treyderning avtomatlashtirilgan ish joyi (keyingi o‘rinlarda TAIJ) birja 
tomonidan shartnoma va to‘lov asosida beriladi. Savdo maydonchasida TAIJni 
berish shartlari savdo maydonchasi va birja a’zosi tomonidan belgilanadi. 
Treyderning login va paroli to‘g‘risidagi ma’lumotlar maxfiy axborot 
hisoblanadi. Treyderning login va paroli to‘g‘risidagi ma’lumotlarning, shu 
jumladan treyderning o‘zi tomonidan ham oshkor qilinishiga yo‘l qo‘yilmaydi. 
Treyderning shaxsiy login va paroli faqtgina treyder bilan mehnat shartnomasini 
tuzgan bitta birja a’zosi tomonidan foydalanilishi mumkin. Treyderning login va 
parolidan ushbu treyderga aloqasi bo‘lmagan boshqa birja a’zolarining foydalanishi 
ta’qiqlanadi. Treyder login va parol olingan paytdan boshlab bir oy ichida qo‘yilgan 
talablarga muvofiqligi bo‘yicha test sinovidan o‘tishi kerak. 
Test sinovlaridan o‘ta olmagan treyderlar ushbu sinovlardan o‘tguniga qadar 
birja savdolaridan chetlashtiriladi. Birja a’zosi va uning treyderlari a’zoligi 

---

33 
to‘xtatilgan va savdolardan chetlashtirilgan davrda birja savdolariga qo‘yilmaydi. 
Birja a’zosi birja savdosidan chetlashtirilgandan so‘ng uning treyderi birja 
Boshqaruvi tomonidan o‘rnatilgan tartibda qaytadan test sinovlaridan o‘tadi.
Birja a’zosi biriktirilgan savdo maydonchasining faoliyati to‘xtatilgan yoki 
tugatilgan hollarda birja a’zosi uni boshqa savdo maydonchasi yoki filialiga 
o‘tkazish haqida birjaga ariza berishi shart. O‘tkazish rasmiylashtirilgunga qadar 
birja a’zosi birja savdolariga qo‘yilmaydi.