Oʻzbekiston respublikasi oliy va oʻrta maxsus taʼlim vazirligi toshkent moliya instituti

“Qora bulutlar pardasi” haqidagi ogohlantirish uning nomidan ham ko‘rinib 
turibdi: momaqaldiroq yaqinlashmoqda, tom ostiga yashirining. 
“Qora bulutlar pardasi” ning aksi buqaning “bulutlar orasidagi nur” 
kombinatsiyasidir. U “buqaning yutib yuborish” iga o‘xshaydi, unda ikkinchi sham 
(tana) oldingi qora sham yopilish narxidan pastroq ochilib, so‘ngra uning tanasining 
kamida yarmigacha o‘sadi. Ikkinchi tana birinchisini qanchallik qattiq “yorsa”, 
shuncha bu trendni burilish yasashining kuchli signali haqidagi imkoniyati yuqoridir. 
Bunday kombinatsiya pasayish trendining pastki qismida uchraganda, uning harakat 
yo‘nalishi o‘zgarishini kuting. 
“Qora bulutlar pardasi” patterni bilan ishlash juda oson. Yapon shamlari 
kombinatsiyalarini shakllanishi tugaguniga qadar kutish kerak va shundan so‘ng sotish 
mumkin. Patternning qarshilik darajasida yoki asosiy qarshilik darajasida paydo 
bo‘lishi juda muhim, bu signal kuchini sezilarli darajada oshiradi. 

Shuningdek, signalni tasdiqlash uchun texnik tahlilning turli indikatorlarini
qo‘llash ham mumkin. 
 
Harami va Harami Xochi 
Harami kombinatsiyasi - bu moliya bozori treyderi uchun eng boshida bozorning 
burilish yasashini topishi va teskari trendda savdo-sotiqni ochishi uchun yana bir 
qiziqarli imkoniyat. Ushbu pattern asosida ikkita sham bo‘lib, ulardan biri hajmi 
bo‘yicha boshqasidan kattaroqdir. 

---

266 
“Harami” yapon tilida “homilador” degan ma’noni anglatadi . Ushbu 
kombinatsiya uzun tanadan iborat bo‘lib, keyingi kaltasini qamrab oluvchidir. Uzun 
sham – “ona”, kalta – “bola”. 
Ushbu kombinatsiyada uzun tana birinchi bo‘lib, kalta tanasi ikkinchi bo‘lib 
paydo bo‘lishi kerak. (Qarama-qarshi holat yuz bersa, bu “buqanining yutib yuborish” 
kombinatsiyasini anglatadi.) Shamlarning ranglari qarama-qarshi bo‘lishi shart emas, 
lekin ular odatda farq qiladi. 

Haramining paydo bo‘lishi hozirgi trend tugaganligini va bozor teskari 
yo‘nalishda burilishini anglatadi. Bundan tashqari, bu holda ranglarning 
kombinatsiyasi yuqori ahamiyatga ega emasligini tushunish muhimdir. 
Kelajakda bozordan nimani kutish kerakligini tushunish uchun avvalgi 
tendentsiya qanday bo‘lganligi juda muhimdir. Ayiq harami qarshilik 
darajasida, buqa harami esa qo‘llab-quvvatlash darajasida paydo bo‘ladi. 
Haramining o‘ziga xos xususiyati shundaki, ushbu model narxlar farqini nazarda 
tutadi. Agar rasmga diqqat bilan qaralsa, o‘ng sham tanasi chap sham tanasi ichida 
ekanligini ko‘rish mumkin. O‘ng shamning ochilishi vaziyatga qarab chap tomonning 
pastki qismida yoki yuqorisida sodir bo‘ladi. O‘ng shamning o‘lchamiga e’tibor berish 
juda muhimdir. U qanchalik kichik bo‘lsa, haqiqatan ham harami patterni shakllanishi 
ehtimoli shunchalik ko‘p. Bundan tashqari, agar o‘ng sham o‘rniga doji paydo bo‘lsa, 
signal yanada kuchayadi.