O‘zbekiston respublikasi oliy va o‘rta maxsus ta’lim vazirligi toshkent moliya instituti “Moliya-kredit” kafedrasi

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
TOSHKENT MOLIYA INSTITUTI
“Moliya-kredit” kafedrasi

“DAVLAT XARIDI” FANIDAN
“Tender orqali davlat xaridlarini amalga oshirish” mavzusida
MUSTAQIL ISH


Bajardi: IX 51-2 guruhi talabasi
Oybek Urinov
Tekshirdi: PhD Asqar Xaydarov

TOSHKENT 2022

Mavzu: Tender orqali davlat xaridlarini amalga oshirish


REJA:

Kirish

1. 
   Davlat xaridining iqtisodiy mazmuni, tenderlarni tashkil etish va baholashning nazariy asoslari
   
2. 
   Tenderni tashkil etish va o‘tkazish tartibi
   
3. 
   Davlat xaridlari uchun tenderlarni tashkil etish va baholashda xorijiy davlatlar tajribasi.
   

Xulosa
Foydalanilgan adabiyotlar ro‘yxati

KIRISH
Davlat xaridini tashkil etish jarayonlarini boshqarish sohasida O‘zbekistonda amalga oshirilayotgan islohotlar, davlat mablag‘larini samarali boshqarish, shuningdek, xarid jarayonlarida raqobat muhitini shakllantirish, kichik biznes va tadbirkorlik sub’eklarini ushbu sohaga kengroq jalb etish kabi qator maqsadlarni ko‘zlaydi. Ushbu maqsadlarning ahamiyati haqida muhtaram Prezidentimiz Shavkat Mirziyoyev ham fikr bildirib, ”Biz yoshlarimizda tadbirkorlik tashabbusini rivojlantira olsak, ularga mablagʻlardan toʻgʻri foydalanishni oʻrgatsak, nafaqat iqtisodiy, balki koʻplab ijtimoiy muammolarni ham hal etgan boʻlamiz. ”¹ deya ta’kidlagan edilar.
Davlat mablag‘larini oqilona boshqarish, xarid tizimi modelini Respublikamizda o‘tkazilayotgan iqtisodiy islohotlar talablariga mos ravishda shakllantirish ustuvor yo‘nalishlardan hisoblanadi. Tenderlar orqali xaridni tashkil etishda ochiqlik va erkin raqobatni ta’minlaydigan mexanizmni tashkil etish, baholar monitoringini takomillashtirish, davlat buyurtmalari uchun shartnoma shartlarini bajarilishi yuzasidan mas’uliyatini yanada oshirish, tenderdan tashqari savdolarni xolisligini ta’minlash kabi qator masalalarni ham ilmiy-uslubiy jihatdan, ham amaliy jihatdan o‘rganish davlat xaridi tizimini boshqarishning dolzarbligini belgilab beradi. Davlat xaridini tizimini boshqarishni isloh etish kompleks yondoshuvni talab etadi. Islohotlar faqatgina maxsus qarorlar qabul qilish va davlat xaridi bo‘yicha vakolatli agentlikni tashkil etish bilan chegaralanib qolmasdan, balki turli xil davlat organlari o‘rtasida hamkorlikda harakatni yo‘lga qo‘yish, ular o‘rtasida vakolatlarni taqsimlash, tizimda kuchlar nisbatini tengligini ta’minlovchi o‘z-o‘zini boshqarish mexanizmlarini shakllantirishni talab etadi. Shunday ekan, davlat xaridi tizimida yaqin va uzoq muddatli strategiyalarini shakllantirish hamda ushbu jarayonlarda kichik biznes sub’ektlarini ishtirokni ta’minlash, iqtisodiy islohotlarni amalga oshirishning hozirgi bosqichida yechimini kutayotgan dolzarb vazifalardan biri bo‘lib qolmoqda.