O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

Тушувчи чамбар ичак қориннинг чап томонида қорин бўшлиғининг 
орқа деворига ёпишган ҳолда жойлашади. Узунлиги 9-12 см.У йўғон 
ичакнинг чап букилмасидан бошланиб,қорин деворининг чап томони бўйлаб 
йўналади ва сигмасимон ичакнинг бошланишигача давом этади.
Сигмасимон ичак тушувчи чамбар ичакдан чап ёнбош чуқурчасида 
бошланиб, кичик чаноқ бўшлиғида тўғри ичакка ўтиб кетади. Узунлиги 10-
15 см га тенг. 
Тўғри ичак йўғон ичакнинг охирги қисми бўлиб, кичик чаноқ ва 
думғазанинг олдида жойлашади, орқа тешик билан ташқарига очилади. 
Ўртача узунлиги 15-20 см, диаметри 5-10 см га тенг. 
 Меъда ости бези қорин бўшлиғининг орқа томонида I-II
умуртқаларининг қаршисида, меъданинг орқасида кўндаланг ҳолатда 
жойлашади. Оғирлиги 60-100 гр., узунлиги 15-22 см, кенглиги 3-4 см. Меъда 
ости бези уч қисмдан, яъни бош, тана ва дум қисмларидан иборат . 
Жигар қорин бўшлиғининг юқори қисмида жойлашиб, тепа юзаси 
диафрагмага тегиб туради. Унинг кўп қисми ўнг қовурға ости соҳасида 
жойлашган, бир қисми қориннинг юқори соҳасида , жуда оз қисми эса чап 
қовурға ости соҳасида туради. Жигарнинг оғирлиги ўртача 1500 г., узунлиги 
20-22 см, эни 10-12 см га тенг. Жигарнинг 3 та юзаси тафовут қилинади: 
диафрагмага тегиб турган юза, орқа томонга қараган юза, пастга қараган юза. 
Ўт пуфаги жигар ўнг бўлагининг пастки юзасида, ўт пуфаги 
чуқурчасида жойлашган нок шаклидаги аъзо бўлиб, унинг туби, танаси ва 
бўйни тафовут қилинади. Жигарда ишланиб чиққан ўт шираси ўт йўллари 
системаси орқали ўн икки бармоқ ичакка қуйилади. Ўтнинг ортиқчаси ўт 
пуфагида сақланади. Одамда бир кеча-кундузда ўртача 800-1200 мл ўт 
ишланади.
Қорин парда зич бириктирувчи тўқималардан иборат, қорин бўшлиғи 
деворларини ва унда жойлашган барча аъзоларни устки томондан қоплаб 
турадиган сероз пардадир. У икки варақдан ташкил топган бўлиб, биринчиси 
қорин деворини қоплаб турувчи-париетал парда дейилса, иккинчиси ички 
аъзоларни ўраб турувчи-висцерал парда дейилади. Қорин парданинг 
умумий сатҳи 20400 см га тенг.