O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

СОННИНГ ОРҚА ТОМОНИДАГИ МУСКУЛЛАР 
Соннинг икки бошли мускули (m. biceps femoris) четки томонда 
жойлашган. Узун боши ўтирғич дўнгчасидан, калта боши сон суягининг
ғадир-будурлигидан бошланиб, иккала боши бирлашиб, пастда кичик болдир 
суягининг бошидаги чўққига бирикади. Бу мускул қисқарганда, тос-сон 
бўғимини ёзишда, тизза бўғимини букишда иштирок этади. 
Ярим пай мускул (m. semitendinosus) ўтирғич дўнгчасидан ва сон 
суягидан бошланиб, узун пайи билан катта болдир суягининг медиал 
томонига бирикади. 
Ярим парда мускул (m. semimembranosus) кенг пайи билан ўтирғич 
дўнгчасидан, сон суягининг opқa томонидан бошланиб, катта болдир 
суягининг орқа томонига ва тизза бўғими халтачасига бирикади. Бу мускул 
қисқарганда, тос-сон бўғимини ёзишда, тизза бўғимини букишда иштирок 
этади. Соннинг икки бошли мускули тизза букилган ҳолатда оёқни ташқи 
томонга, ярим пай ва ярим парда мускуллар ички томонга буради.
БОЛДИР МУСКУЛЛАРИ 
Болдир мускуллари жойлашишига қараб 3 га: олдинги, орқа ва четки 
мускулларга бўлинади. Болдирнинг олдинги томонида ёзувчи, орқа томонида 
букувчи мускуллар жойлашган. 
БОЛДИРНИНГ ОЛДИНГИ МУСКУЛЛАРИ 
Катта болдирнинг олдинги мускули (m. tibialis anterior) катта болдир 
суягидан суяклараро парда ва болдир фасциясидан бошланиб, оёқ 
панжасининг I кафт суяги асосига ва понасимон суякка бирикади. Бу мускул 
қисқарганда оёқ, панжасини ёзади ва бир оз супинирлайди, яъни ташқи 
томонга қараб буради. 
Бармоқларни ёзувчи узун мускул (m. extensor digitorum longus) катта 
болдирнинг четки дўнгчасидан, суяклараро парда ва кичик болдир суягидан 
бошланиб, пастда 4 та пайга бўлинади ва II—V бармоқларга бирикади. 
Қисқарганда шу бармоқларни ва оёқ панжасини ёзади. 
Бош бармоқни ёзувчи узун мускул (m. extensor hallucis longus) кичик 
болдир суягидан, суяклараро пардадан бошланиб, бош бармоқнинг охирги 
фалангасига бирикади, у қисқарганда бош бармоқни ва оёқ панжасини супи-
нирлайди.