O‘zbekiston respublikasi oliy va o‘rta maxsus ta’lim vazirligi sharof rashidov nomidagi samarqand davlat universiteti sport faoliyati va san’at fakulteti magistranti musurmonov husan to’raqul o’G’lining

Reaktiv kuch qobiliyati
Zamonaviy tadqiqotlar natijasida kuch qobiliyatlarining yana bir namoyon bo‘lishi kuzatiladi va mushaklarning qayishqoq deformatsiya energiyasini to‘plash hamda qo‘llash qobiliyati “reaktiv qobiliyat” deb nomlanadi. Bu qobiliyat mushaklarning intensiv mexanik cho‘zilishidan keyin, ya’ni ularning dinamik yuklamasi maksimal rivojlanayotgan sharoitlarda ko‘nuvchi ishdan yenguvchiga tez o‘tishdagi kuchli harakat paydo bo‘lishi bilan tavsiflanadi.
Dastlabki cho‘zilish mushaklarning qayishqoq deformatsiyasini keltirib chiqaradi va ularda ma’lum kuchlanish potensialini (nometabolik energiya) to‘plashni ta’minlaydi.
2.2. Mushaklararo muvofiqlash va mushaklarning o‘zaro harakatini belgilovchi omillar
Sportda faqat bitta mushakni ishlatib harakatlarni bajarish mumkin emas. Har qanday harakat masalasini yechish uchun ko‘p mushaklar yoki mushaklar guruhlari ishtirok etadi.
Kuchning salohiyat bazasi asosan ko‘ndalang kesishgan mushak to‘qimalaridan, mushaklarning hajmidan, mushaklarning tuzilishidan va mushak ichidagi muvofiqlashlardan iborat bo‘ladi. Bu yana shuni bildiradiki, asab tizimi aniq harakat vazifalarini yechish uchun mushaklarni ishlatishga qaratiladi.
Harakatdagi mushak va mushaklar guruhining bu o‘zaro faolligi mushaklararo muvofiqlash deb ataladi. U doim ma’lum bir harakat turi bilan bog‘liq bo‘lib, bir harakatdan ikkinchisiga o‘tmaydi.
Antogonist mushaklar bir vaqtda ikkita qarama-qarshi yo‘nalishda faoliyat ko‘rsatadi. Sinergist mushaklar hamkorlikda ma’lum bir harakatni amalga oshiradi. Sinergist va antogonistlar o‘zaro faoliyat yuritadilar.
2.3. Turli mushak guruhlarining kuchini rivojlantirish uchun mashqlar
Taklif etilayotgan mashqlar katta mushak guruhlarini ishga tushiruvchi, ta’sir mashg‘ulotlari, alohida mushak va mushaklar guruxlari uchun mashg‘ulotlarni o‘z ichiga oladi. Gantellar, shtangalar, rezina va qo‘l ostidagi yasama predmetlar sport anjomi sifatida qo‘llanilishi mumkin.
Bo‘yin mushaklari uchun mashqlar:
boshni oldinga qilgan holda tayanib, kaftlarni bilan polga tiralib, bo‘yinni oldga-orqaga va yon tomonlarga bukish. Kurash ko‘prigida turib bo‘yinni oldga-orqaga bukish.
devorga bosh bilan tayanib turgan holda bo‘yinni oldga-orqaga va yon tomonlarga bukish. Boshni erkin tutib chalqancha yotgan holda, peshonaga og‘irliklar qo‘yib bo‘yinni yon tomonlarga bukish.
boshni erkin tutib korin bilan yotgan holda boshga og‘irliklar qo‘yib yuqoriga va pastga ko‘tarib tushirish.