O‘zbekiston respublikasi oliy va o‘rta maxsus ta’lim vazirligi sharof rashidov nomidagi samarqand davlat universiteti

Tadqiqotning metodologik asosi va metodi. Ushbu magistrlik dissertatsiyasining metodologik asosini adabiy-tanqidiy qarashlarda: she’r, shoirlik, adabiyot, adabiyotshunoslik muammolarini o‘rganish va tahlil qilishdan iborat. Erkin Vohidovning adabiy-tanqidiy qarashlariga tayangan holda, tahlil qilishga harakat qilinadi. Kitobxonlik madaniyatini ommalashtirish haqida Prezidentimiz Sh.M.Mirziyoyevning maxsus qarori e’lon qilingan. Bu qaror biz kabi yosh avlodni birmuncha sergaklikka chorlaydi. Mavzuni yoritish jarayonida tadqiqotda badiiy tahlil, qiyosiy-tipologik va tarixiy-qiyosiy metodlardan o‘rni bilan foydalanildi.
Tadqiqotning ilmiy yangiligi. XX va XXI asr adabiyotshunosligida Erkin Vohidovning o‘ziga xos o‘rni mavjudligini ko‘rsatib berish bilan bir qatorida, shoirning adabiy-estetik qarashlarini tahlil qilish jarayonida yozuvchi va davr munosabatlariga hamda badiiy ijod namunasi yaratish jarayonidagi ijodiy hissiyotlarni yuzaga chiqarishdan iboratdir.
Bundan tashqari, Erkin Vohidovning o‘zigacha bo‘lgan davrdagi, va o‘zi bilan zamondosh bo‘lgan ijodkorlar va ularning badiiy asarlari haqidagi mulohazalariga munosabat bildirish orqali shoirning adabiy-tanqidchilik mahorati va iste’dod sohiblarining ma’lum bir qirralarini yoritish imkonini beradi.
Shoirning adabiy-tanqidiy qarashlarida she’r, she’riyat, shoirlik iste’dodi, adabiyot va adabiyotshunoslik muammolari haqidagi qarashlari yetakchilik qiladi. Bu tushunchalarga asoslangan holda Erkin Vohidovning adabiy-tanqidiy mulohazalarida teran mushohadalar mavjudligini ko‘rsatib berish tadqiqotimizning ilmiy yangiligini belgilaydi.
Tadqiqotning predmeti va obyekti. Erkin Vohidovning hayoti va ijodi haqidagi ilmiy-nazariy manbalarni va shoirning o‘zi tomonida yaratilgan “Shoiru she’ru shuur” va To‘la asarlar to‘plamining 6-jildi “Erk saodati” asarlari asos qilib olindi va tahlilga tortildi. Adabiyotshunos olimlarning yozuvchi ijodi haqidagi fikrlari, maqolalari hamda Erkin Vohidovning adabiy-tanqidiy qarashlarini o‘rganishda obyekt sifatida xizmat qildi. Dissertatsiyaga obyekt qilib olingan asarlarning yozuvchi mahoratini o‘rganish tadqiqotning predmetini tashkil qiladi.