O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

19-mavzu: Yem-xashak va dukkakli -don ekinlari zararkunandalari

Reja:

1. Yem-xashak va dukkakli -don ekinlari zararkunandalari.

2. Yem-xashak va dukkakli -don ekinlari zararkunandalariiga qarshi kurash tizimi.
Makkajo’xori parvonasi. O’rta Osiyo sharoitida uch turi ma’lum: Ostrinia nubilalis Hb. O. narynensis Mutuura et Munroe, O. kasmirica Moore (Xomyakova, 1982). Kapalaklar tur-kumining parvonalar (Pyralidae) oilasiga mansub.

Tarqalishi. Makkajo’xori parvonasi keng tarqalgan tur bo’lib, u Yaqin Sharq mamlakatlari, Hindiston, Yaqin Osiyo, Misr, o’rta va janubiy Yevropa, Shimoliy Amerika va boshqa mamlakatlarda uchraydi.

Ta’rifi. Erkak va urg’ochi kapalaklar bir-biridan tashqi ko’rinishi bo’yicha farq qiladi (49-rasm). Erkagi urg’ochisidan kichik (27-28 mm), urg’ochisi 31-32 mm. Erkagining qanotlari umumiy qoramtir tusda. Old qanotlari sariq yoki och jigarrang, orqa qanotlarining o’rtasidan ko’ndalangiga yo’g’on oq chiziq o’tadi. Kapalaklar tinch o’tirganda qanotlari kapa sifat qorinchasini to’liq berkitadi.

I	II