O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Soxta un-shudring bilan kurashda un-shudring va antraknozga qarshi tavsiya qilingan barcha agrotexnik va tashkiliy chora-tadbirlarni qo’llash lozim. Odatda kasallikni fungisid bilan ishlov bermasdan jilovlab bo’lmaydi. Chet elda ikki guruhga mansub fungisidlar qo’llaniladi:

1) kontakt ta’sirli fungisidlar (mis preparatlari, ditiokarbamatlar va ftalimidlar) profilaktik ishlovlar o’tkazish uchun ishlatiladi, o’simlikni zararlanishdan 7-10 kun himoya qiladi va zamburug’da ularga chidamlilik rivojlanmaydi; ulardan biriga ichdan ta’siri bo’lmagan, ammo to’qima ichiga kirish xususiyati bo’lgan simoksanil preparati qo’shilsa, aralashma davolovchi samaraga ham ega bo’ladi.

2) ichdan ta’sirli fungisidlar (fosetil-alyuminiy va fenilamidlar) yomg’ir yoqqanda ham samarali, davolovchi ta’siri mavjud va tokni ikki hafta davomida to’la himoyalaydi. Fenilamidlarning kamchiligi – ularga zamburug’ chidamlilik hosil qilishidir. Shu sababdan ishlovlarni kontakt fungisidlar bilan almashlab turib, fenilamidlarni mavsumda faqat 2-3 marta qo’llash tavsiya qilinadi. Ulardan tashqari bahorda kurtaklar yozilishidan oldin temir kuporosi, barg yozilishi paytida esa Bordo suyuqligi, mis xloroksidi, kaptan, ridomil, euparen va boshqa preparatlar ishlatiladi. Mildyuga qarshi MDH mamlakatlarida ko’proq mis preparatlari ishlatiladi. Bahorda 2%-li Bordo suyuqligi bilan birinchi ishlov barglar yozilayotganda, keyingisi gullashdan 10 kun oldin va uchinchi marta 1%-li preparat bilan darhol gullashdan keyin ishlov beriladi. Bordo suyuqligi o’rniga mis sulfatni 8-10 kg/ga miqdorida qo’llash mumkin. Ishlovlar tok sug’orilishidan oldin o’tkaziladi. O’zbekistonda bog’bonlar 1%-li Bordo suyuqligi bilan (500-600 l/ga) ishlov berib, yaxshi natija olishgan.