O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari olmada kalmarazga qarshi ishlatiladiganlari bilan bir xil.Un-shudringga qarshi fungisid (Bayleton 25% n.kuk., 0,4 kg/ga, Vektra 10% sus.k., 0,3 l/ga, Impakt 25% sus.k., 0,1 l/ga, OOQ, 0,5-1,0^o, Saprol 20% em.k., 1,0 l/ga, Topaz 10% em.k., 0,2-0,3 l/ga, Topsin-M 70% n.kuk., 1,0 kg/ga, tuyilgan oltingugurt, 15-30 kg/ga va b.) purkashni erta bahorda boshlab, gulkosabarglar to’kilishigacha har 7 kunda, so’ngra yoz o’rtasigacha har 12-14 kunda takrorlash lozim.

Chidamli navlar ekish. Olma navlaridan Renet Simirenko, Parmen Zimniy Zolotoy, Aport Aleksandr, Renet Burxardta, Zailiyskoye, Boyken, Beloye Astraxanskoye, Jonatan, Bolduin, Kortlend, Idared, Roum Byuti, Monro, Gravenshteyn, Steyman, Kok’s Orinj Pippin, Granni Smit va Prima kuchli zararlanadi.

Nisbatan chidamli navlar qatoriga Qandil Sinap, Zarya Alatau, Antonovka, Muskatnыy Renet, Delishes, Goulden Delishes, Uaynsap, York Imperial, Nittani va Lamburne navlari kiradi.

Nok olmaga nisbatan ancha chidamli va nokka un-shudring faqat olma daraxtlaridan o’tishi taxmin qilinadi; agar nok bog’i olma bog’idan 200 m uzoqlikda joylashgan bo’lsa, unga fungisid purkash talab qilinmaydi. Nokning D’Anjuy, Lui Bonne navlari un-shudringga juda chidamsiz, Barlett, Flemish Byuti va Uinter Nelis navlari chidamli. Umuman bargi tuk bilan qalin qoplangan va usti yaltiroq bargli nok navlari un-shudringga chidamlilik namoyon etadi.