O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. 1. Ichki karantin tadbirlarini amalga oshirish, chunki hozircha bu zararkunanda xududimiz-ning shimoliy-g’arb viloyatlarida hali aniqlanganicha yo’q. 2. Tashkiliy-xo’jalik va agrotexnik tadbirlarni o’tkazish. 3. Anor gullashidan boshlab vaqti-vaqti bilan u yerga trixog-ramma kushandasini (1 gr/ga) tarqatib turish samara berishi kerak. 4. Anorni mevaxo’rdan himoya qilishda kimyoviy kurashga ahamiyat berilsa albatta quyidagini inobatga olish tavsiya qilinadi. Bir – ikki marta ishlov berilgani bilan hosilni himoya qilib bo’lmaydi. 5. Mexanik-kimyoviy usul sifatida quyidagi tadbir tavsiya qilinadi. Anor gullab bo’lgach, hosil tugunchasining gul kasasi tozalanib, ichiga piretroid eritmaga botirib olingan loy tiqib qo’yish zararlanishni oldini olishi mumkin. Ammo bu sohada qo’shimcha izlanishlarga o’rin bor.

Olma kuyasi – YponomeutamalinellusL. (Lepidoptera, Yponomeutidae – xaqiqiy tog’oldi kuyalari oilasi) – asosan tog’oldi mintaqalarida uchraydigan qurtlari to’da hosil qiladigan hasharotlar. Olma kuyasi birinchi yosh qurtlik shaklida tuxumni berkitib turgan «qalqon» tagidan chiqma-gan holda qishlab qoladi. Bunday sharoitda qurtlar kuchli so’vuqga ham bardosh bera oladi. Daraxtlarning kurtaklari yoziladigan paytgacha qurtlar qishlayotgan joyini tashlab, kurtaklar va yozilayotgan yosh barglar bilan oziqlana boshlaydi. Qurtlar yosh barglarning etini ichidan yeb, ustki va pastki po’stiga tegmay «g’ovak» hosil qilib shikastlaydi. Keyinchalik qurtlar barg ichidan tashqariga chiqib, barglarning yuqori qismida qalin o’rgimchak iplar yasab orasida oziqlanadi. Qurtlar guruh-guruh bo’lib yashaydi va bir shoxchaning barglarini yeb bo’lib, birgalashib keyingi shoxchacha o’tadi; shunday qilib ayrim shoxlargina emas, balki daraxt umuman o’rgimchak uyasi bilan qoplanib qolishi mumkin. Olma gullaganidan 1 oy keyin qurtlar rivojlanib bo’ladi va o’rgimchak ipining panasida pillaga o’ralib oladi. Pillalar bir-biriga zich taqalib hammasi birga g’uj bo’lib turadi. Olma kuyasi – oligofag. U asosan olma, keyin: do’lana, ayrim manzarali daraxtlarni ham zararlaydi. U daraxt kurtaklarini, keyin esa barglarini ham yeb qo’yadi. Shikastlangan daraxtlar hosil bermaydi, yoki u past bo’ladi; o’sishi susayadi.