O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

II. O’quv fanning maqsadi va vazifasi

O’simliklarni himoya qilish fanining maqsadi – talabalarda o’simliklarni zararli organizmlariga qarshi kurash usullari va unda qo’llaniladigan biologik, kimyoviy kurash vositalarini o’rganishdan iborat. Pestsidlarni barcha salbiy va ijobiy xususiyatlari atroflicha mukammal o’rganiladi.

O’simliklarni himoya qilish fanining vazifasi - talabalarga zararli organizmlarga qarshi usullarning qo’llanilishi, ishlab chikarilayotgan pestisidlarni xususiyatlarini, ulardan atrof - muhit va insoniyatga zarar yetkazmasdan to’g’ri foydalanish yullarini, pestisidlarni xo’jalikda samarali qo’llash usullarini hamda shu sohaga taalluqli adabiyotlardan foydalanish yullarini o’rganishdan iborat.

Fan buyicha talabalarning bilim, ko’nikma va malakalariga quyidagi talablar kuyiladi. Talaba:

- o’simliklarni himoya qilish sohasi bilan tanish bo’lishi va ularni qo’llashda shaxsan ishtirok etishi, zararkunandalar va kasalliklarga qarshi yangi kurash choralarini qo’llanilishi va ularni xossalari salbiy va ijobiy xususiyatlari, ularni qo’llash usullari va samaradorligini aniqlay olishi to’g’risida

- o’simliklarni himoya qilish fani qishloq xo’jaligini rivojlantirishdagi o’rnini, o’simliklarda zararkunandalar va mikroorganizmlarning tuzilishi, rivojlanishi va ko’payishi, xamda ularning rivojlanishini oldini olish usullari haqida bilishi kerak;

- talaba kurash choralarni zararli organizmlarga qarshi kurash choralarni qo’llash tartiblarini bilishi;

- o’simlik zararli organizm turlarini aniqlash, zararli organizmlar qo’zg’atuvchilarini rivojlanish davrini aniqlash, zararni bartaraf qilishni

zamonaviy usullarini qo’llash, zararli organizmlarga qarshi yangi preparatlarni qo’llash, zararli organizmlarga qarshi uygunlashgan kurash choralarini ishlab chiqish bo’yicha ko’nikmalariga ega bo’lishi kerak;

- qishloq xo’jalik ekinlari zararli organizmlari tashqi belgilari, qishloq xo’jalik ekinlari zararkunandalari va kasallik qo’zg’atuvchi mikroorganizmlar sistematikasi va biologik xususiyatlari, ularga qarshi uygunlashgan kurash choralarini amalga oshirganda biologik va iqtisodiy samarasini aniqlash usullarini haqidagi malakalarga ega bo’lishi kerak.