O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Preparat: Rhizoctonia solani zamburug’ini miseliysini mikroskopda ko’rish.

Bakteriyali rak kasalligini Corynebacterium michiganense bakteriyasi qo’zg’atadi. Kasallik ikki xil shaklda namoyon bo’ladi.

Birinchi shaklida kasallik belgilari ko’chat ekilgandan so’ng 2 haftadan keyin namoyon bo’ladi. Bunda bakteriya ta’sirida o’simlikning o’tkazuvchi to’qimalari zararlanishi natijasida pomidor bargi va shoxlari so’liydi.

Bunda o’simlikning poyasini ko’ndalang qilib kesilganda o’tkazuvchi to’qimalarni qo’ng’ir tusga kirganligini ko’rish mumkin. Bunday zararlangan o’simlik butunlay so’lib qoladi. Ikkinchi shakldagi zararlanishda pomidor shoxlarida, barglarda, meva va meva bandida botiq yarachalar hosil bo’ladi.

Zararlangan o’simlik poyasida va meva bandida uzunchoq qo’ng’ir chiziqchalar hosil bo’ladi. Kasallik rivojlana borgan sari yarachalar o’rnida yoriqlar hosil bo’ladi va shu yoriqlardan bakteriya sporalari tashqariga tarqaladi. Meva bandida hosil bo’lgan yoriqlardan o’tkazuvchi to’qima naylari orqali bakteriya pomidor mevasini zararlashi mumkin.

Zararlangan mevada o’rtasi to’q atrofi oqish dog’lar paydo bo’ladi. Lekin pomidor mevasining ta’mi buziladi, meva ichida o’tkazuvchi to’qima naylari sariq tusga kiradi. Infeksiya manbai zararlangan urug’ va o’simlik qoldiqlari hisoblanadi.